کراچی(سی این پی)سول ایوی ایشن اتھارٹی نے مسافروں کی سہولت میں اضافے اور جناح انٹرنیشنل ایئرپورٹ پر سروسز بہتر کرنے کے لیے اہم قدم اٹھانے کا فیصلہ کیا ہے۔تفصیلات کے مطابق سول ایوی ایشن اتھارٹی نے مسافروں کی سہولت میں اضافے اور جناح انٹرنیشنل ایئرپورٹ پر سروسز بہتر کرنے کے لیے فیصلہ کیا ہے کہ مسافروں کو بہتر سہولت نہ دینے والے کنٹریکٹرز کے خلاف کارروائی ہوگی۔سول ایوی ایشن کا کہنا ہے کہ ایئرپورٹ پر مہنگی اشیا، مسافروں سے بدتمیزی کرنے اور اضافی رقم کی وصولی پر کارروائی ہوگی۔ اس سلسلے میں ایئرپورٹ سروس بہتر کرنے کے لیے جرمانوں میں اضافہ کردیا گیا ہے۔اتھارٹی کے مطابق سروسز پوری نہ کرنے پر 4 ہزار سے 1 لاکھ روپے تک جرمانہ ہوگا، جرمانے جناح ٹرمینل پر کام کرنے کے لیے لائسنس لینے والوں پر عائد ہوں گے۔ ایئرپورٹ پر سروسز پوری نہ دینے پر جرمانے 3 سطحوں میں طے کیے گئے ہیں۔سول ایوی ایشن اتھارٹی کا کہنا ہے کہ ایئرپورٹ پر کام کے دوران موبائل کے استعمال پر 4 ہزار روپے جرمانہ ہوگا۔ یونیفارم نہ پہننے اور مسافروں سے نامناسب رویے پر 4 ہزار روپے جرمانہ ہوگا۔سی اے اے کے مطابق دوسرے لیول میں جرمانے کی حد 12 ہزار روپے ہوگی۔ ایئرپورٹ پر صفائی نہ ہونے اور ریٹ لسٹ نہ لگانے پر 12 ہزار روپے جرمانہ ہوسکتا ہے۔ تیسرے لیول میں جرمانوں کی حد 15 ہزار روپے رکھی گئی ہے۔ایئرپورٹ پر آدھے گھنٹے سے زائد سروسز کی بندش پر بھی جرمانہ ہوگا جبکہ زائد المیعاد سامان رکھنے پر 1 لاکھ روپے جرمانہ اور لائسنس منسوخ ہوگا۔سول ایوی ایشن اتھارٹی کا کہنا ہے کہ مسلسل شکایت ملنے پر لائسنس کی منسوخی کا عمل بھی ہو سکتا ہے۔
بندرگاہوں کی سب سے بڑی کمپنی پاکستان پہنچ گئی
مصنوعی ذہانت سمیت ہمیں جدید ٹیکنالوجی سے استفادہ کرنا چاہئے، وزیراعظم
پولیس وردی پہننے پر وزیر اعلیٰ پنجاب مریم نواز کیخلاف مقدمہ درج کرنے کی درخواست دائر
وزیراعظم کا ڈیرہ اسماعیل میں شہید کسٹم اہلکاروں کے لواحقین کیلئے امدادی پیکیج کا اعلان
سکیورٹی فورسز کے آپریشن میں 3 دہشت گرد ہلاک
پاکستان نے انسانی حقوق رپورٹ میں عائد امریکی الزامات مسترد کردیے
عدالتی معاملات میں کسی کی مداخلت قابل قبول نہیں ہے، چیف جسٹس
پانچویں عاصمہ جہانگیر کانفرنس 2024 ہفتے کو لاہور میں ہوگی
لطیف کھوسہ نے پھر عمران خان کی جلد رہائی کی امید ظاہر کر دی
چیف جسٹس کی اپنے سفر کے دوران ٹریفک رواں رکھنے کی ہدایت