اسلام آباد(سی این پی) چیئرمین سی پیک اتھارٹی عاصم سلیم باجوہ کا کہنا ہے کہ سی پیک پاکستان اورچین کی مثالی دوستی کا منہ بولتا ثبوت ہے، جلدمغربی روٹ پربھی نمایاں پیشرفت نظر آئے گی اور جلدسستی،ماحول دوست بجلی کی فراہمی یقینی ہوسکے گی۔تفصیلات کے مطابق چیئرمین سی پیک اتھارٹی عاصم سلیم باجوہ نے سیمینار سے خطاب کرتے ہوئے کہا وقت کے ساتھ ساتھ توانائی کی ضروریات بڑھ رہی ہیں، سی پیک کے تحت توانائی ضرورتوں کوپوراکرنے کیلئے اقدامات کئے گئے، سی پیک پاکستان اورچین کی مثالی دوستی کا منہ بولتا ثبوت ہے۔عاصم سلیم باجوہ کا کہنا تھا کہ سی پیک ایک حقیقت ہے،اس کے خطے پرمثبت اثرات ہوں گے، کراچی سے پشاورموٹر وے مکمل ہونے سے سفری دورانیہ50فیصدکم ہوا، اب ایک دن میں پشاور سے کراچی تک پہنچاجاسکتا ہے۔چیئرمین سی پیک اتھارٹی نے کہا کہ جلدمغربی روٹ پربھی نمایاں پیشرفت نظر آئے گی، جلد سستی، ماحول دوست بجلی کی فراہمی یقینی ہوسکے گی، کروناوائرس سے سی پیک رفتار پر اثرات مرتب نہیں ہوئے۔ان کا کہنا تھا کہ سی پیک پورے زوروشورسے جاری ہے، تھر سے کوئلے کی دریافت،منتقلی کے اموربھی حل ہوچکے ہیں،سی پیک کے دوسرے مرحلے کیلئے کام شروع ہوچکا ہے۔یاد رہے چیئرمین سی پیک اتھارٹی عاصم سلیم باجوہ نے وزیراعلی سندھ سے ملاقات کی تھی ، جس میںا ے سی آر، تھرمیں کول ٹوگیس ٹویوریاپروجیکٹ بڑھانے اور چائنادھابیجی اسپیشل اکناک زون پرتبادلہ خیال کیا گیا تھا۔عاصم سلیم باجوہ کا کہنا تھا تھر سے چھاچھرو 105کلومیٹر سے زائد ریلوے ٹریک بچھانے اور سکھر حیدرآبادسڑک بھی پی پی پی موڈ پر بنانے کا فیصلہ ہو چکا ہے۔خیال رہے گذشتہ سال نومبر میں لیفٹیننٹ جنرل (ر)عاصم سلیم باجوہ چیئرمین سی پیک اتھارٹی تعینات کیا گیا تھا، عاصم سلیم باجوہ 4سال کیلئے سی پیک اتھارٹی کے چیئرمین رہیں گے۔
یاسمین راشد کی طبعیت شدید ناساز، جیل سے ہسپتال منتقل
فائرنگ سے کسٹم کے 4 اہلکاروں سمیت 6 افراد جاں بحق
مہنگی روٹی فروخت کرنے پر 80 افراد گرفتار
آرمی چیف سے ترکیہ کے چیف آف جنرل سٹاف کی ملاقات، دفاعی تعاون کو مزید وسعت دینے کا عزم
وفاقی پولیس کے اہلکارورں نے شہری کو لوٹ لیا، مقدمہ درج
بھارت اور پاکستان میں پنجاب کے لوگوں نے میرے وزیر اعلیٰ بننے پر جشن منایا، مریم نواز
ملک کو حالیہ سیاسی بحران سے نکالناہوگا، صدر کا پارلیمنٹ کے مشترکہ اجلاس سے خطاب
ارکان اسمبلی اپنے حلقوں میں روٹی کے نرخ کی نگرانی کریں، وزیر اعلیٰ پنجاب
سعودی عرب کے معاون وزیر دفاع میجر جنرل طلال بن عبداللہ دورہ پاکستان پر پہنچ گئے
پاکستان کی ترقی کے لیے کسی بھی قسم کی سستی اور کوتاہی برداشت نہیں کی جائے گی۔وزیراعظم