شنگھائی (سی این پی )چین نے کورونا وائرس بچا ئوکے لیے اسپتالوں میں جراثیم کش اسپرے کرنے کے لیے روبوٹس تیار کرلیے۔جراثیم کش روبوٹس کو شنگھائی میں چین سے منسلک کینون روبوٹک کمپنی نے تیار کیا ہے جو خودکار طریقے سے اسپتالوں میں وائرس کے بچا ئوکے لیے جراثیم کش اسپرے کرے گا۔کمپنی کا کہنا تھا کہ جیسے ہی اس وبا ء نے پھیلنا شروع کیا تو متعدد افراد کی جانب سے ادویات، کھانے اور دستاویز کی ترسیل کے لیے ڈیلورنگ روبورٹس تیار کرنے کی درخواست موصول ہورہی تھی، ایسے میں سب سے زیادہ ضرورت جراثیم کش اسپرے روبوٹس کی محسوس کی گئی ۔کمپنی کے مینیجر نے کہا کہ اسے یو وی لائٹ ٹیکنالوجی کی مدد سے بنایا گیا ہے جس کے سب سے اوپر نوزیل دیا گیا ہے جس کے ذریعے وہ اسپتال میں گردش کرتے ہوئے جراثیم کش اسپرے کرے گا۔اس روبوٹ کی لمبائی 1.4 میٹر ہے جب کہ اس میں جراثیم کش مائع 1500 ملی میٹر تک محفوظ رکھنے کی گنجائش موجود ہے۔جراثیم کش اسپرے روبوٹ کو چارج ہونے میں پورے 6 گھنٹے درکار ہوتے ہیں جس کے بعد یہ 8 گھنٹے تک باآسانی کام کرسکتا ہے۔کمپنی کا کہنا ہے کہ اس روبوٹ سے ان رضاکاروں کی حفاظت ہوگی جو کورونا وائرس سے بچائو کے لیے خود جراثیم کا خطرہ مول لے کر اسپرے کرتے ہیں۔واضح رہے کہ کورونا وائرس چین کے صوبے ہوبئی کے شہر ووہان سے جنوری میں پھیلنا شروع ہوا تھا جس نے 199 سے زائد ممالک کو اپنی لپیٹ میں لے لیا ہے۔کورونا وائرس سے بچائو کے لیے چین سمیت دنیا کے مختلف ممالک میں سر توڑ کوششیں جاری ہیں۔دنیا بھر میں کورونا وائرس کے مریضوں کا علاج کرنے کے لیے طبی آلات، ویکسین اور مشینیں تیار کرنے کا سلسلہ جاری ہے۔
کسی بھی حالات میں عدلیہ کی آزادی پر سمجھوتہ نہیں کیا جاسکتا، فل کورٹ کا اعلامیہ جاری
وزیراعلیٰ پنجاب کی کیٹل مارکیٹ میں صرف ویکسی نیٹڈ مویشی لانے کی پابندی عائد کردی
وفاقی وزیر داخلہ کی وزیر اعلیٰ خیبرپختونخوا سے ملاقات، صوبے کی سکیورٹی پر تبادلہ خیال
وزیراعظم کی چیف جسٹس سےملاقات میں خط سمیت ٹیکس اور دیگر معاملات پر بات چیت ہوئی، اعظم نذیر تارڑ
چیف جسٹس قاضی فائز عیسیٰ اور وزیر اعظم شہباز شریف کے درمیان ملاقات
سینیٹ کی 11 نشستوں پر انوار الحق کاکڑ سمیت 9 سینیٹرز بلامقابلہ منتخب
پاکستان میں ہوئے بیشتر دہشتگرد حملوں میں امریکی ساختہ اسلحہ استعمال ہونے کا انکشاف
وزیراعظم کا نیول ہیڈکوارٹر اسلام آباد کا دورہ، یادگار شہداء پر حاضری
صدر مملکت سےبرطانوی ہائی کمشنر کی ملاقات، دوطرفہ اہمیت کےامور پر تبادلہ خیال
پک اپ گاڑی گہری کھائی میں گرنے سے 8 افراد جاں بحق