مقبوضہ کشمیر،کرفیو کا 47 واں روز، جبری پابندیاں، ظلم کی انتہا عروج پر

سرینگر(سی این پی)مقبوضہ وادی میں بھارتی لاک ڈائون 47 ویں روز میں داخل ہوگیا، 5 اگست سے گھروں میں بند کشمیریوں کی زندگی بدتر ہوگئی، کشمیری خواتین بھی آزادی کی جدوجہد میں مردوں کے شانہ بشانہ ہیں۔وادی میں تعینات بھارتی فوج نے خوف کا ماحول بنا دیا، کشمیری اپنے گھروں میں قید ہوگئے، لوگ روزمرہ کی ضروری اشیا خریدنے سے قاصر ہیں، دودھ، بچوں کی خوراک، ادویات سب ختم ہوچکا ہے۔وادی میں مارکیٹ، دکانیں، بزنس اور تعلیمی ادارے بھی بند ہیں۔ مسلسل کرفیو کی وجہ سے سیب کی پکی فصلیں خراب ہونے لگیں۔ کسانوں کا کہنا ہے کہ وہ اپنی فصلیں مارکیٹوں تک پہنچانے میں ناکام ہیں۔وادی میں تمام مساجد کی مانیٹرنگ کی جا رہی ہے، اب تک ہزاروں کشمیریوں کو گرفتار کیا جا چکا ہے۔

اپنا تبصرہ بھیجیں