ملتان(سی این پی)حکومت پنجاب کی اجازت کے بعد ملتان میں بھی بند مزارات کو کھول دیا گیا۔محکمہ اوقاف کی جانب سے فوری طور پر حکومتی احکامات پر عمل کرتے ہوئے ملتان کے تمام درباروں کو کھول دیا گیا۔ درگاہ حضرت بہاالدین زکریا ،حضرت شاہ رکن الدین عالم اور درگا شاہ شمس تبریز کے درباروں پر کلورین والے پانی کا چھڑکائو کیا گیا جب کہ درگاہ میں آنے والے زائرین کے ہاتھوں کو دھونے کا بھی انتظام کیا گیا۔درگاہوں کی انتظامیہ کو سماجی فاصلوں کو برقرار رکھنے کی بھی سختی سے ہدایات کی گئی ہیں۔ادھر درگاہ کھلتے ہی زائرین کی جانب سے درگاہوں پر حاضری کے بعد عبادات کا سلسلہ شروع ہوگیا۔
