واشنگٹن(سی این پی)امریکہ کے صدر ڈونلڈ ٹرمپ نے ٹویٹر سے “وائٹ پاور” والے سلوگن کے ساتھ ایک ویڈیو شئیر کی ہے۔ٹرمپ نے کل ٹویٹر سے، ریاست فلوریڈا کے علاقے دی ولیجز سے اپنی حامیوں کی تیار کردہ ویڈیو “میں دی ولیجز کے خوبصورت لوگوں کا شکر گزار ہوں” کے کمنٹ سے شئیر کی۔ویڈیو کی ابتدا میں ہی ٹرمپ کی تصاویر اور جھنڈوں سے سجائی ہوئی ایک گالف گاڑی میں بیٹھا ٹرمپ کا حامی “وائٹ پاور” کا نعرہ لگاتا دکھائی دیا۔ویڈیو کے باقی حصے میں ٹرمپ کے حامیوں اور مخالفین کے درمیان نعرے بازی کو جگہ دی گئی ہے۔ اس نعرے بازی میں مخالفین ٹرمپ کے حامیوں کو نازی اور نسلیت پرست کہتے دکھائی دے رہے تھے۔ٹرمپ نے ذرائع ابلاغ اور سوشل میڈیا میں ویڈیو کے خلاف ردعمل کا اظہار کئے جانے کے بعد ویڈیو کو ڈیلیٹ کر دیا۔موضوع سے متعلق وائٹ ہائوس سے جاری کئے گئے بیان میں کہا گیا ہے کہ ” صدر ٹرمپ دی ولیجز کے باسیوں کے پرستار ہیں۔ ویڈیو میں موجود نعرے پر انہوں نے دھیان نہیں دیا۔ ان کی توجہ اپنی حامیوں کے جوش و خروش پر مرکوز رہی۔”نومبر 2020 میں متوقع صدارتی انتخاب کے لئے ڈیموکریٹ پارٹی کے امیدوار اور سابق نائب صدر جو بائڈن نے بھی موضوع سے متعلق بیان جاری کیا ہے۔بائڈن نے پولیس تشدد کے نتیجے میں افریقہ النسل امریکی شہری جارج فلائڈ کی موت کے بعد ملک بھر سے نسلیت پرستی کے خلاف ظاہر کی گئی حساسیت کی طرف توجہ مبذول کروائی ہے۔انہوں نے کہا ہے کہ ” ہم ایک ایسے دور سے گزر رہے کہ جس میں ملک اپنی روح کے تحفظ کے لئے جدوجہد کر رہا ہے۔ صدر اس جنگ میں اپنی طرف کا انتخاب کر چکے ہیں لیکن پر یقین رہیں کہ اس جنگ کے فاتح ہم ہوں گے”۔
پاکستان میں ڈیجیٹل ٹرانسفارمیشن سے انسانی ترقی پر بھی مثبت اثر پیدا ہو رہا ہے: یو این ڈی پی رپورٹ
وفاقی وزیر برائے بحری امور قیصر احمد شیخ سے ہیچی سن گروپ کے وفد کی ملاقات
صدر کا دیگر ممالک کیساتھ فضائی روابط فروغ دینے کی ضرورت پر زور
سٹریٹجک اداروں سے وابستہ نمایاں سائنسدانوں اور انجنئیرز کو اعزازات عطا
ایرانی صدر کراچی پہنچ گئے، مزار قائد پر پھول چڑھائے فاتحہ خوانی کی
لاپتہ افراد کے معاملے کا سیاسی حل نکالنا ہوگا، حکومت
پنجاب میں پروینشل انفورسمنٹ اتھارٹی کے قیام کی منظوری
ایران کے صدر کی وزیر اعلیٰ پنجاب سے ملاقات، تعلقات کو مزید وسعت دینے پر اتفاق
بانی پی ٹی آئی اس ماہ کے آخر تک جیل سے باہر آجائیں گے، اسد قیصر
آئی ایم ایف کے ساتھ طویل مدتی پروگرام ضروری ہے، وزیر خزانہ