بھارت، ریل کی پٹری پر انتہائی دلخراش واقعہ، دیکھنے والے دہل گئے

نئی دہلی (سی این پی)ٹرین کی پٹری پر پیش آنے واقعے نے دیکھنے والوں کے دل دہلا دیئے، ماں سمیت دو بچیاں ٹرین کے نیچے آکرجان کی بازی ہار گئیں، ڈیڑھ سالہ بچہ معجزانہ طور پر محفوظ رہا۔تفصیلات کے مطابق یہ سانحہ بھارت کے دارالحکومت دہلی کے منڈوالی ریلوے اسٹیشن پر پیش آیا جہاں ایک خاتون اور دو بچیاں ٹرین سے کٹ کر ہلاک ہوئیں۔ پولیس کو لاشوں کے پاس ایک ڈیڑھ سالہ معصوم بچہ بھی روتا ہوا ملاہے۔اطلاع ملنے پر پولیس جائے وقوعہ پر پہنچی اور لاشوں کو قانونی کارروائی کیلئے اسپتال منتقل کیا، اس دوران پولیس کو وہاں ایک موبائل فون بھی مسلسل بجتا ہوا ملا ہے۔آنند وہار ریلوے پروٹیکشن فورس کے سب انسپکٹر یوگیش نے جائے وقوعہ سے ملنے والے بچے کو علاج کے لئے مقامی اسپتال بھیج دیا ہے جب کہ تینوں لاشوں کو پوسٹ مارٹم کے لئے بھیجا گیا ہے۔ ہلاک ہونے والی خاتون کی عمر30 سے 35 سال ہے جبکہ دونوں لڑکیوں کی عمریں بھی 6 سال سے کم ہے۔تفتیشی افسر کے مطابق ابتدائی تفتیش میں یہ خود کشی کا معاملہ نظر آرہا ہے اگر اس معاملے میں کچھ اور تاخیر ہوئی ہوتی تو یہ معصوم بچہ بھی ٹرین سے کٹ کر ہلاک ہو جاتا، خاتون کے موبائل فون سے اس کے لواحقین کو اطلاع دے دی گئی ہے۔

اپنا تبصرہ بھیجیں