چنیوٹ(سی این پی) شریف خاندان کی رمضان شوگرملز کے خلاف کین کمیشن پنجاب کے ایکشن پر شوگرملز نے کسانوں کے واجبات ادا کردیے، کاشتکاروں نے وزیراعظم اور وزیراعلی کا شکریہ ادا کیا۔تفصیلات کے مطابق کین کمیشن پنجاب نے کسانوں کے واجب الادا 23کروڑ سے زائد کی رقم فوری ادا کرنے کا حکم دیا تھا جس پر سلمان شہباز کی شوگر ملز نے قرقی سے بچنے کے لیے کین کمیشن احکامات پر عمل کر دیا۔ذرائع کا کہنا ہے کہ کین کمیشن نے لینڈریونیوایکٹ کے تحت رقم ادا کرنے کا حکم دیا تھا، رمضان شوگرملز نے ایک ہی دن میں 23کروڑ روپے ادا کردیے۔ مل مالک سلمان شہباز نے کارروائی سے بچنے کے لیے فوری رقم ادا کی۔ذرائع نے بتایا کہ عدم ادائیگی پر لینڈریونیوایکٹ کے تحت قرقی کی کارروائی کی جاسکتی تھی۔یاد رہے کہ تین روز قبل اینٹی کرپشن پنجاب نے شوگر ملز مافیا کے گرد گھیرا مزید تنگ کرتے ہوئے صوبے بھر سے 44 شوگر ملز مالکان کو ریکارڈ سمیت طلبی کا نوٹس جاری کیا تھا۔ڈی جی اینٹی کرپشن کا کہنا تھا کہ گنے کے کاشت کاروں کا استحصال ہرگز قبول نہیں، ملز مالکان کے خلاف بڑی تعداد میں شکایات موصول ہو رہی ہیں، پچھلے 2 ہفتوں میں ڈھائی ہزار شکایات موصول ہوئیں، متعین کردہ ریٹ سے کم قیمت کے حوالے سے 1363 شکایات آئیں، کاشت کاروں کو رقم کی عدم ادائیگی سے متعلق 641 شکایات موصول ہوئیں۔
بندرگاہوں کی سب سے بڑی کمپنی پاکستان پہنچ گئی
مصنوعی ذہانت سمیت ہمیں جدید ٹیکنالوجی سے استفادہ کرنا چاہئے، وزیراعظم
پولیس وردی پہننے پر وزیر اعلیٰ پنجاب مریم نواز کیخلاف مقدمہ درج کرنے کی درخواست دائر
وزیراعظم کا ڈیرہ اسماعیل میں شہید کسٹم اہلکاروں کے لواحقین کیلئے امدادی پیکیج کا اعلان
سکیورٹی فورسز کے آپریشن میں 3 دہشت گرد ہلاک
پاکستان نے انسانی حقوق رپورٹ میں عائد امریکی الزامات مسترد کردیے
عدالتی معاملات میں کسی کی مداخلت قابل قبول نہیں ہے، چیف جسٹس
پانچویں عاصمہ جہانگیر کانفرنس 2024 ہفتے کو لاہور میں ہوگی
لطیف کھوسہ نے پھر عمران خان کی جلد رہائی کی امید ظاہر کر دی
چیف جسٹس کی اپنے سفر کے دوران ٹریفک رواں رکھنے کی ہدایت