اسلام آباد(سی این پی) وفاقی وزیر سائنس اینڈ ٹیکنالوجی فواد چوہدری کا کہنا ہے کہ چند سالوں میں الیکٹرک گاڑیوں اور میڈیکل مشینری میں اربوں ڈالر کی سرمایہ کاری ہو گی۔تفصیلات کے مطابق وفاقی وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ ایک سال میں میری وزارت نے 2 نئی صنعتوں کی شروعات کرائی، طبی مشینری اورالیکٹرک گاڑیوں کی صنعتیں موجود ہی نہیں تھیں، چند سالوں میں الیکٹرک گاڑیوں میں 3 سے 5ارب ڈالرکی سرمایہ کاری جبکہ میڈیکل مشینری میں 2سے 3ارب ڈالر کی سرمایہ کاری ہو گی۔گذشتہ روز جرمن کمپنی کے ساتھ الیکٹرک بسوں کے حوالے سے دوسرا معاہدہ کیا گیا تھا ، اس موقع پر فواد چوہدری نے کہا تھا کہ اس سے پہلے چائنیز کمپنی کیساتھ ہم نے معاہدہ کیا، ہماری کوشش تھی کہ ہم درآمدات کوکیسے کم کرسکتے ہیں ، کوشش ہے کہ ٹیکنالوجی میں خود مختارہوں۔وفاقی وزیر کا کہنا تھا کہ ن لیگ نے 60ارب ڈالر اس ٹرین پرخرچ کیے، ہمیں12ارب اس پرسال میں سبسڈی دینی ہوگی ، جتنا پیسہ لاہور میں ٹرین پر لگا ہے، ہر لاہوری کو ایک گاڑی دی جاسکتی تھی۔انھوں نے مزید کہا کہ ٹیکنالوجی میں ہر5،10سال بعدجدت آرہی ہے، کوشش ہے شہروں میں ٹرانسپورٹ کوالیکٹرک وہیکل پرمنتقل کریں، فواد چوہدری کا کہنا تھا کہ پالیسی سے2سے4بلین کی سرمایہ کاری پاکستان میں آئیگی، الیکٹرک وہیکل کی ایک پوری نئی انڈسٹری کھڑی کی ہے، چند سال میں الیکٹرک وہیکل میں بھارت کا مقابلہ کریں گے۔
یاسمین راشد کی طبعیت شدید ناساز، جیل سے ہسپتال منتقل
فائرنگ سے کسٹم کے 4 اہلکاروں سمیت 6 افراد جاں بحق
مہنگی روٹی فروخت کرنے پر 80 افراد گرفتار
آرمی چیف سے ترکیہ کے چیف آف جنرل سٹاف کی ملاقات، دفاعی تعاون کو مزید وسعت دینے کا عزم
وفاقی پولیس کے اہلکارورں نے شہری کو لوٹ لیا، مقدمہ درج
بھارت اور پاکستان میں پنجاب کے لوگوں نے میرے وزیر اعلیٰ بننے پر جشن منایا، مریم نواز
ملک کو حالیہ سیاسی بحران سے نکالناہوگا، صدر کا پارلیمنٹ کے مشترکہ اجلاس سے خطاب
ارکان اسمبلی اپنے حلقوں میں روٹی کے نرخ کی نگرانی کریں، وزیر اعلیٰ پنجاب
سعودی عرب کے معاون وزیر دفاع میجر جنرل طلال بن عبداللہ دورہ پاکستان پر پہنچ گئے
پاکستان کی ترقی کے لیے کسی بھی قسم کی سستی اور کوتاہی برداشت نہیں کی جائے گی۔وزیراعظم