مولانا فضل الرحمان کی گستاخانہ خاکوں کی اشاعت کیخلاف آئندہ جمعے سے پورا ہفتہ احتجاج کا اعلان

اسلام آباد(سی این پی) جمعیت علمائے اسلام ف کے سربراہ مولانا فضل الرحمان نے گستاخانہ خاکوں کی اشاعت کیخلاف آئندہ جمعے سے پورا ہفتہ احتجاج کا اعلان کرتے ہوئے کہا پاکستانی فرانسیسی مصنوعات کا بائیکاٹ کریں۔تفصیلات کے مطابق جمعیت علمائے اسلام ف کے سربراہ مولانا فضل الرحمان پاکستان کے لوگ فرانسیسی مصنوعات کا بائیکاٹ کریں، فرانس میں گستاخانہ خاکوں کی اشاعت کی مذمت کرتے ہیں، فرانس کے ساتھ تجارتی روابط ختم کرنے چاہئیں، تاجر فرانس کےساتھ تجارتی معاہدے منسوخ کریں۔مولانا فضل الرحمان کا کہنا تھا کہ گستاخانہ خاکوں کی اشاعت کیخلاف آئندہ جمعہ سے پورا ہفتہ احتجاج کا اعلان کرتے ہوئے اپیل کی کہ عوام سڑکوں پر آکر گستاخانہ خاکوں کی اشاعت کیخلاف احتجاج کریں۔جمعیت علمائے اسلام ف کے سربراہ نے کہا کہ مہنگائی ،بیروزگاری کی وجہ سے عام آدمی بےبس ہے ، عام آدمی بچوں کیلئےصبح و شام کھانے پینے کیلئے فکر مند ہے، ایسے حالات میں ہم عوام کی ترجمانی کرناچاہتے ہیں۔یوم کشمیر کے حوالے سے ان کا کہنا تھا کہ کشمیریوں سے یوم سیاہ پر بھرپور یکجہتی کا اظہار کرتے ہیں، پہلے بھی کشمیریوں کے شانہ بشانہ کھڑے تھے اورآج بھی کھڑے ہیں۔مولانا فضل الرحمان نے پشاور دھماکے سے متعلق کہا کہ حکومت تحفظ نہیں دےسکتی تو مدارس خود سیکیورٹی کااہتمام کریں، پشاور واقعہ بزدلانہ اقدام ہے، امن امان کے قیام کا دعویٰ کیا جاتا ہے ،کہاں ہے امن؟

اپنا تبصرہ بھیجیں