پاکستانی نژاد ڈاکٹر عمیر شاہ واشنگٹن کے وزیر صحت مقرر

واشنگٹن (سی این پی)امریکا کی ریاست واشنگٹن کے گورنر جے انسلی نے پاکستانی نژاد ڈاکٹر عمیر شاہ کو ریاست کا نیا وزیر صحت مقرر کردیا۔میڈیا رپورٹ کے مطابق ڈاکٹر عمیر شاہ 21 دسمبر کو جان ویزمین کی جگہ واشنگٹن کے وزیر صحت کاعہدہ سنبھالیں گے۔ڈاکٹر شاہ سن 2013 سے ہیریس کائونٹی میں پبلک ہیلتھ کے شعبے کے ایگزیکٹوڈائریکٹر ہیں۔کووڈ 19 پر کام کرنے سے پہلے ڈاکٹر عمیر شاہ ایچ ون این ون انفلوئنزا،ایبولا اور زیکا جیسی خطرناک بیماریوں پر بھی کام کرچکے ہیں۔ریاست واشنگٹن کے گورنر انسلی کی جانب سے کی گئی پریس کانفرنس میں ڈاکٹر عمیر شاہ کی خدمات کو سراہا گیا۔پریس کانفرنس میں گورنر انسلی کا مزید کہنا تھا کہ کورونا سے بیمار افراد کی تعداد میں اضافہ ہو رہا ہے، آج بھی ڈھائی ہزار کیسز رپورٹ ہوئے ہیں جب کہ 23 اموات ہوئی ہیں۔

اپنا تبصرہ بھیجیں