اقوام متحدہ (سی این پی)اقوام متحدہ کے سیکرٹری جنرل انتونیوگوترش نے کہا ہے کہ عالمی ادارہ نے تمام خصوصی افرادکے حقوق کے تحفظ کا پختہ عزم کر رکھا ہے۔3 دسمبر کو خصوصی افراد کے عالمی دن کے موقع پر اپنے پیغام میں انہوں نے کہا کہ خصوصی افراد کے حقوق کو یقینی بنانے کے لئے ہم ایجنڈا2030 کی تکمیل کریں گے۔ انہوں نے ایک پائیدار جامع اور بہتر مستقبل کی تعمیر کے لئے معذور افراد کے ساتھ مل جل کر کام کرنے کے لئے اقوام متحدہ کے عہدکی تجدید کی تاکہ سب لوگ اپنی بھرپور صلاحیتوں کے ساتھ دنیا میں امن وترقی کے لئے جدوجہد کریں۔ سیکرٹری جنرل نے رواں برس جون میں معذور افراد کی فلاح وبہبود سے متعلق ایک جامع حکمت عمل کا آغاز کیا جس کے تحت انہیں عام انسانوں کی طرح مساوی حقوق اور بنیادی آزادی فراہم کرنے کے لئے لائحہ عمل مرتب کیا جائے گا جبکہ سکیورٹی کونسل نے بھی جنگ سے متاثرہ علاقوں میں خصوصی افراد کے تحفظ کے لئے ایک قرار داد منظور کی جس میں تقریبا تمام ممالک نے خصوصی افراد کے حقوق کے کنونشن کی تائید کی۔ سیکرٹری جنرل نے دیگر ممالک پر زور دیا کہ وہ اس کی تائید کریں اس سال یہ دن معذور افراد کو بااختیار بنانے اور اقوام متحدہ کے پائیدار ترقیاتی ایجنڈا 2030 کے درمیان تعلق کو فروغ دینا ہے جو زمین پر تمام انسانوں کے بہتر مستقبل کے لئے اقوام متحدہ کا ایک شاندار منصوبہ ہے۔ اقوم متحدہ کے مطابق دنیا بھر میں معذوری سے متاثرہ زیادہ افراد ترقی پذیر ممالک میں ہیں اور ان میں سے نصف افراد علاج معالجہ کے لئے اخراجات برداشت نہیں کر سکتے۔ سیکرٹری جنرل نے کہا کہ ایک پائیدار جامع اور بہتر مستقبل کی تعمیر کے لئے معذور افراد کے ساتھ مل جل کر کام کرنے کے لئے اقوام متحدہ پر عزم ہے تاکہ تمام افراد خوش و خرم زندگی بسر کو سکیں۔
یاسمین راشد کی طبعیت شدید ناساز، جیل سے ہسپتال منتقل
فائرنگ سے کسٹم کے 4 اہلکاروں سمیت 6 افراد جاں بحق
مہنگی روٹی فروخت کرنے پر 80 افراد گرفتار
آرمی چیف سے ترکیہ کے چیف آف جنرل سٹاف کی ملاقات، دفاعی تعاون کو مزید وسعت دینے کا عزم
وفاقی پولیس کے اہلکارورں نے شہری کو لوٹ لیا، مقدمہ درج
بھارت اور پاکستان میں پنجاب کے لوگوں نے میرے وزیر اعلیٰ بننے پر جشن منایا، مریم نواز
ملک کو حالیہ سیاسی بحران سے نکالناہوگا، صدر کا پارلیمنٹ کے مشترکہ اجلاس سے خطاب
ارکان اسمبلی اپنے حلقوں میں روٹی کے نرخ کی نگرانی کریں، وزیر اعلیٰ پنجاب
سعودی عرب کے معاون وزیر دفاع میجر جنرل طلال بن عبداللہ دورہ پاکستان پر پہنچ گئے
پاکستان کی ترقی کے لیے کسی بھی قسم کی سستی اور کوتاہی برداشت نہیں کی جائے گی۔وزیراعظم