نیویارک(سی این پی) وزیراعظم کے معاون خصوصی نعیم الحق نے کہا کہ امریکی حکومت کی جانب سے مقبوضہ کشمیر سے کرفیو اٹھانیکا مطالبہ نریندر مودی کے منہ پر طمانچہ ہے اورحکومت پاکستان کی بڑی سفارتی کامیابی ہے۔تفصیلات کے مطابق امریکہ کے مقبوضہ کشمیر سے کرفیو اٹھانے کے مطالبے پر وزیراعظم کے معاون خصوصی نعیم الحق نے کہا کہ امریکی حکومت کی جانب سے یکرفیو اٹھانیکا مطالبہ صحیح وقت پرکیا گیا، وزیراعظم عمران خان نے امریکی حکومت کے بیان کا خیر مقدم کیا ہے اور کہا امریکی حکومت کا بیان قابل تعریف ہے۔نعیم الحق کا کہنا تھا کہ پاکستان سمجھتاہے امریکاکی جانب سے اس طرح کابیان ضروری تھا، وزیراعظم ایک ہفتے سے کشمیر کی نازک صورت حال کااحساس دلا رہے تھے، صورتحال کے تناظرمیں بیان حکومت پاکستان کی بڑی سفارتی کامیابی ہے۔معاون خصوصی نے کہا امریکانے بیان کشمیرکی نازک صورت حال دیکھ کردیا، اسٹیٹ ڈیپارٹمنٹ کابیان بھارت اورنریندر مودی کے منہ پر طمانچہ ہے، امریکا کے بیان پربھارت کے رد عمل کاانتظار ہے۔ان کا کہنا تھا کہ بھارت نے کرفیو ختم نہ کیاتومودی مخالف مظاہروں میں شدت آئے گی، فوری کرفیوختم کرنے کے علاوہ مودی حکومت کے پاس کوئی چارہ نہیں۔نعیم الحق نے مزید کہا کہ بیان وزیراعظم کی مذاکرات کی پیشکش پرماحول سازگاربنانے میں مددگارہوگا، امریکاکواحساس ہوگیاہے کشمیر میں ظلم نا قابل برداشت حد تک بڑھ چکا ہے۔یاد رہے امریکی نائب وزیرخارجہ برائے جنوبی ایشیا ایلس ویلز نے بھارت پر زور دیا تھا کہ مقبوضہ کشمیر میں پابندیاں فوری طور پر ختم کی جائیں۔
