کابینہ میں شامل ہونے پر بات چیت جاری ہے، اسد عمر

پشاور(سی این پی)سابق وزیر خزانہ اسد عمر نے کہا ہے کہ وفاقی کابینہ میں شامل ہونے کے بارے میں بات چیت جاری ہے، اگر کابینہ کے اندر رہ کر کارکردگی دکھانا پڑی تو وہ بھی کریں گے۔ایک انٹرویو میں انہوں نے کہا کہ عوام ڈالر کے بارے میں سوچنا بند کر دیں، ملک استحکام کی جانب بڑھ رہا تاہم دو سال مزید لگیں گے۔اسد عمر نے کہا کہ کافی دنوں سے ڈالر پر بات نہیں ہوئی یہ استحکام کے آثار ہیں۔ میں نے کہا تھا جو بھی آئے گا اس نے مشکل حالات میں فیصلے کرنے ہیں۔ ملکی معیشت اب آئی سی یو سے نکل آئی ہے، اب گروتھ کی جانب جانا ہے، آئی ٹی کے شعبے میں خیبر پختونخوا میں اچھا کام ہوا ہے۔

اپنا تبصرہ بھیجیں