وزیراعظم عمران خان آئندہ ہفتے چین کا دورہ کریں گے

اسلام آباد(سی این پی)وزیراعظم عمران خان آئندہ ہفتے چین کا دورہ کریں گے، جس میں اعلی سطحی ملاقاتیں کریں گے جبکہ متعدد مفاہمت کی یادداشتوں پر بھی دستخط کیے جائیں گے۔تفصیلات کے مطابق وزیراعظم عمران خان آئندہ ہفتے چین کا دورہ کریں گے ، وزیراعظم کا دورہ چین تین روزہ ہوگا،دورہ چین کے دوران عمران خان کی اعلی سطحی ملاقاتیں ہوگی۔وزیراعظم مسئلہ کشمیر کے لئے حمایت پر چینی قیادت کاشکریہ ادا کریں گے۔وزیراعظم کے دورہ چین میں متعدد مفاہمتی یادداشتوں پر بھی دستخط ہوں گے جبکہ وہ چینی صدر شی جن پنگ سمیت اعلی قیادت سے ملاقات کریں گے۔یاد رہے امریکہ روانگی سے قبل 17 ستمبر کو وزیراعظم عمران خان سے چینی سفیر نے ملاقات کی تھی، یا جینگ نے چینی صدر شی جن پنگ کی طرف سے نیک خواہشات کا پیغام پہنچایا، جس پر وزیراعظم نے اس پیغام پر ان کا شکریہ ادا کیا۔وزیراعظم کو پیغام میں چینی صدر شی جن پنگ کا کہنا تھا کہ مستقبل میں مل کر کام کرنے کا اعادہ کرتے ہیں، پاکستان اورچین کی روایتی دوستی چٹان کی طرح مضبوط ہے۔اس سے قبل مئی میں وزیر اعظم عمران خان سے چین کے نائب صدر نے ملاقات ہوئی تھی، اس موقع پر پاکستان اور چین میں وفود کی سطح پر مذاکرات کا دور بھی ہوا، بعد ازاں پاکستان اور چین کے درمیان مفاہمت کی یاد داشتوں پر دستخط کئے گئے تھے۔واضح رہے اپریل میں وزیراعظم نے چینی صدرکی دعوت پر4روزہ سرکاری دورہ کیا تھا ، اس دوران وزیراعظم کی چینی صدراورہم منصب سمیت عالمی رہنمائوں سے ملاقات ہوئی جبکہ عمران خان نے چین کیاعلی حکام،سرمایہ کار، تاجروں کے وفود سے ملاقاتیں کیں تھیں۔وزیراعظم کے دورے کے دوران میں سرمایہ کاری کے14معاہدوں پردستخط کئے گئے تھے۔

اپنا تبصرہ بھیجیں