کراچی میں ڈکیتی مزاحمت پر یونیورسٹی کی طالبہ قتل

کراچی(سی این پی)کراچی کے علاقے گلشن اقبال میں لوٹ مار کے دوران مزاحمت پر فائرنگ کر کے یونیورسٹی کی طالبہ کو قتل کر دیا گیا۔پولیس کا کہنا ہے کہ مصباح اپنے والد کے ساتھ موچی موڑ کے قریب یونیورسٹی کی بس کا انتظار کر رہی تھیں کہ اچانک موٹر سائیکل پر سوار دو ملزمان نے لوٹ مار کی کوشش کی اور مزاحمت کرنے پر فائرنگ کر کے فرار ہو گئے۔پولیس نے بتایا کہ ملزمان کی فائرنگ سے ایک لڑکی زخمی ہوئی جس کے بعد اسے فوری طور پر اسپتال منتقل کیا گیا لیکن وہ زخموں کی تاب نہ لاتے ہوئے جاں بحق ہو گئی۔پولیس کے مطابق جاں بحق ہونے والی لڑکی کی شناخت 22 سالہ مصباح کے نام سے ہوئی جو ہمدرد یونیورسٹی کی طالبہ تھی۔پولیس کا کہنا ہے کہ ابتدائی تحقیقات کے مطابق واقعہ ڈکیتی مزاحمت کا نتیجہ معلوم ہوتا ہے تاہم واقعے کا مقدمہ درج کر کے تحقیقات کا آغاز کر دیا گیا ہے۔

اپنا تبصرہ بھیجیں