ہالینڈ، مسجد پر حملہ کرنے والے شخص کو قید کی سزا

ایمسٹرڈیم(سی این پی) ہالینڈ کی عدالت نے مسجد پر حملہ کرنے والے شخص کو تین سال قید کی سزا سنادی۔میڈیا رپورٹ کے مطابق ہالینڈ کے شہر لی وارڈن میں واقع مسجد پر حملہ کرنے والے شخص کو پولیس نے عدالت میں پیش کیا۔عدالت نے ملزم کے اعتراف اور دلائل مکمل ہونے کے بعد تفصیلی فیصلہ جاری کیا۔ جج نے جرم کا اعتراف کرنے اور مسجد کو نقصان پہنچانے کی کوشش کرنے پر شہری کو تین سال قید بامشقت اور 1300 یورو جرمانہ ادا کرنے کی سزا سنائی۔رپورٹ کے مطابق ملزم نے اپریل میں ایک مسجد کے باہر رکھے کچرے کے ڈبے میں آگ لگا کر اسے احاطے میں پھینکنے کی کوشش کی تھی تاکہ نماز ادا کرنے والے افراد کو نقصان پہنچایا جاسکے۔پولیس کی مانیٹرنگ ٹیم نے غیر معمولی حرکت کا نوٹس لیتے ہوئے اپنے اہلکاروں کو فوری جائے وقوعہ بھیجا جنہوں نے ملزم کی کوشش کو ناکام بنایا اور اسے رنگے ہاتھوں گرفتار کیا۔میڈیا رپورٹ میں بتایا گیا ہے کہ ہالینڈ میں شدت پسند عناصر کی جانب سے اب تک تین مساجد کو نشانہ بنایا گیا جبکہ پولیس ایسے واقعات کو روکنے کی کوشش کررہی ہے۔

اپنا تبصرہ بھیجیں