بابر اعظم کا لنکا پریمیئر لیگ کے ساتھ معاہدہ

لاہور(سی این پی) قومی کرکٹ ٹیم کے کپتان بابر اعظم کا لنکا پریمیئر لیگ کے ساتھ معاہدہ طے پا گیا۔ میڈیا کے مطابق بابر اعظم لنکا پریمیئر لیگ میں براہ راست معاہدہ کرنے والے کرکٹرز کی فہرست میں شامل ہیں، بابر اعظم کا کولمبو سے معاہدہ طے پایا، بابر اعظم کے علاوہ متھیشا پاتھیرانا اور چمیکا کرونارتنے سے بھی کولمبو نے معاہدہ کیا ہے۔براہ راست معاہدہ کرنے والوں میں کپتان بابر اعظم کے علاوہ ڈیوڈ ملر، میتھیو ویڈ، شکیب الحسن، تبریز شمسی کے نام شامل ہیں، سری لنکا کے کرکٹرز بھی براہ راست معاہدہ کرنے والوں کی فہرست میں شامل ہیں۔ میڈیا کے مطابق لنکا پریمیئر لیگ کیلئے کھلاڑیوں کی آکشن 11 جون کو ہوگی، لنکا پریمیئر لیگ 31 جولائی سے 22 اگست تک شیڈولڈ ہے۔

اپنا تبصرہ بھیجیں