شہیدمیجر بابر نیازی کی نماز جنازہ بلوچستان کے علاقے ژوب میں ادا

راولپنڈی (سی این پی )دہشت گردوں کے خلاف انٹیلی جنس بیسڈ آپریشن میں شہید ہونے والے میجر بابر نیازی کی نماز جنازہ بلوچستان کے علاقے ژوب میں ادا کر دی گئی۔

آئی ایس پی آر کے مطابق نماز جنازہ میں اعلیٰ فوجی اور سول افسران اور عوامی و سول انتظامیہ کے نمائندوں نے شرکت کی۔ شہید کو پورے فوجی اعزاز کے ساتھ آبائی گاؤں میں سپرد خاک کیا جائے گا۔

آئی ایس پی آر نے مزید کہا کہ پاکستان کی مسلح افواج قوم کے شانہ بشانہ کھڑی ہیں اور ملک کے امن و استحکام کو سبوتاژ کرنے کی دہشت گردی کی کوششوں کو ناکام بنانے کے لیے پرعزم ہیں۔

ہمارے بہادر بیٹوں کی یہ قربانیاں دہشت گردی کی لعنت کے خلاف لڑنے کے ہمارے عزم کو مضبوط کرتی ہیں اور مادر وطن سے اس لعنت کے خاتمے تک دہشت گردی کے خلاف جنگ جاری رہے گی۔

اپنا تبصرہ بھیجیں