یورو کپ فٹبال، ترکیہ اور نیدرلینڈز نے کوارٹر فائنل کیلئے کوالیفائی کرلیا

میونخ (سی این پی )نیدرلینڈز اور ترکیہ نے یورو کپ کے کوارٹر فائنل میں جگہ بنالی، نیدرلینڈز نے رومانیہ کو تین صفر سے شکست دی۔میونخ میں کھیلے گئے پری کوارٹر فائنل میں نیدرلینڈز اور رومانیہ کے درمیان پہلے ہاف میں دلچسپ مقابلہ ہوا۔

میچ کے 20 ویں منٹ میں کوڈی گیپکو نے گول کرکے نیدرلینڈ کو برتری دلائی، وقفے تک رومانہ گول برابر نہ کرسکی۔دوسرے ہاف میں رومانیہ نے بہتر کھیل پیش کیا لیکن 83 ویں منٹ میں نیدرلینڈز کی جانب سے ڈونیئل مالن نے دوسرا گول کرکے اپنی ٹیم کی فتح یقینی بنادی۔

انجری ٹائم میں ڈونئیل اپنا دوسرا اور مجوعی طور پر تیسرا گول کرکے نیدرلینڈز کو کوارٹر فائنل میں پہنچا دیا۔دوسرے میچ میں ترکیہ نے آسٹریا کو دو کے مقابلے میں ایک گول سے ہرا دیا۔

یورو کپ میں کوارٹر فائنل کے لیے آٹھ ٹیموں کی لائن اپ مکمل ہوگئی ہے۔واضح رہے کہ انگلینڈ، فرانس، جرمنی، نیدرلینڈز، پرتگال، اسپین، سوئٹزرلینڈ اور ترکیے ٹاپ ایٹ ٹیموں میں شامل ہیں۔

اپنا تبصرہ بھیجیں