6 ستمبر یوم شہداء ؛قومی کرکٹ ٹیم کے کھلاڑیوں کاشہداء کو خراج تحسین

اسلام آباد(سی این پی )تفصیلات کے مطابق ملک بھرمیں آج 6 ستمبر کویوم دفاع پاکستان کشمیریوں کے ساتھ یکجہتی کے طور پرمنایا جارہا ہے، اس موقع پر قومی کرکٹ ٹیم کے کھلاڑیوں نے سماجی رابطے کی ویب سائٹ ٹویٹر پر ملک کی افواج کے شہدا کو خراج عقیدت پیش کیا ہے۔بولنگ کوچ اور سابق کپتان وقار یونس نے ڈیفنس ڈے پر پاکستانی ایف 16 جیٹ کی تصویر شیئر کرتے ہوئے لکھا کہ ’ہم پاک فوج کو سلام پیش کرتے ہیں جو ہماری خوبصورت سرزمین کے لیے اپنی جانیں قربان کرتے ہیں۔‘سابق کپتان شاہد خان آفریدی نے کہا کہ ’6 ستمبر کا دن ہمارے لیے بہت ہی اہمیت کا حامل ہے، میں آج کے دن پاک فضائیہ کی شہید پائلٹ مریم مختار کے گھر گیا اور اللہ ان کی روح کو سلامت رکھے۔شاہد آفریدی نے کہا کہ شہید خاتون پائلٹ کی بہادری کا سن کر حیرت ہوئی، مریم مختار ہمارے دلوں میں ہمیشہ زندہ رہیں گی۔ٹیسٹ کرکٹر فواد عالم نے 6 ستمبر کے ہیش ٹیگ کرتے ہوئے ایک خوبصورت شعر تحریر کیا جس میں لکھا ہے کہ ’خون دل دے کہ نکھاریں گے رخ برگ گلاب، ہم نے گلشن کے تحفظ کی قسم کھائی ہے۔‘قومی کرکٹ ٹیم کے اوپنر احمد شہزاد نے کہا یوم دفاع کا لوگو شیئر کرتے ہوئے کہا کہ ’ہم یوم دفاع اور شہدا کے موقع پر اس سرزمین کے کے بہادر بیٹوں کوخراج عقیدت پیش کرتے ہیں جنہوں نے اپنی جانوں کا نذرانہ پیش کیا۔‘انہوں نے کہا کہ ’ہم اپنی مسلح افواج کے ساتھ اظہار یکجہتی کرتے ہیں جو ہماری حفاظت کے لیے اپنی جانیں قربان کررہے ہیں، پاکستان زندہ باد۔‘

اپنا تبصرہ بھیجیں