اسلام آباد(سی این پی) وزیراعظم کے معاون خصوصی برائے صحت ڈاکٹر ظفر مرزا نے کہا کہ رواں سال ڈریپ کا نظام مکمل کمپیوٹرائزڈ کر دیں گے۔تفصیلات کے مطابق ڈاکٹر ظفر مرزا نے ڈریپ بلڈنگ کا سنگ بنیاد رکھنے کی تقریب سے خطاب کرتے ہوئے کہا کہ ڈریپ بلڈنگ کے لیے اراضی قومی ادارہ صحت سے حاصل کی گئی، ڈریپ کی عمارت جون 2021 میں مکمل ہوگی۔ڈاکٹر ظفر مرزا نے کہا کہ ڈریپ جیسا ادارہ آج تک ذاتی عمارت سے محروم تھا، فارمیسی کونسل پاکستان کا دفتر کرائے کی عمارت میں ہے، فارمیسی کونسل پاکستان کو ڈریپ بلڈنگ میں منتقل کریں گے۔معاون خصوصی برائے صحت نے کہا کہ ڈریپ میں وسیع پیمانے پراصلاحات جاری ہیں، رواں سال ڈریپ کا نظام مکمل کمپیوٹرائز ڈ کر دیں گے، حکومت ڈریپ کو ماڈل ریگولیٹری اتھارٹی بنا رہی ہے۔انہوں نے کہا کہ وزیراعظم اداروں میں اصلاحات ترقی واستحکام چاہتے ہیں، حکومت اداروں کو مضبوط اور شفاف بنانا چاہتی ہے، اداروں میں کرپشن سے متعلق زیرو ٹالیرنس کی پالیسی ہے۔ڈاکٹر ظفر مرزا کا کہنا تھا کہ دواساز کمپنیوں کے لیے فعال ریگولیٹری اتھارٹی کی موجودگی ضروری ہے، ڈریپ میں 50ملین دستاویزات کو ڈیجیٹلائز کیا گیا ہے۔
پنجاب میں کم عمری کی شادیاں روکنے کیلئے بل تیار
ورلڈ انٹلیکچوئل پراپرٹی ڈے جمعہ کو منایا جائے گا
جنسی ہراسانی اور بلیک میلنگ میں ملوث ملزم گرفتار
سینیٹ اجلاس آج سہ پہر چار بجے ہوگا
صدر مملکت سے چائنا انٹرنیشنل ڈیولپمنٹ کوآپریشن ایجنسی کی قیادت میں وفد کی ملاقات
سپریم کورٹ نے ملٹری کورٹس کیس کی سماعت کا معاملہ پھرپریکٹس اینڈ پروسیجرکمیٹی کوبھجوادیا
’اپنی چھت، اپنا گھر‘ پروجیکٹ کیلئے 519 کنال اراضی کی نشاندہی کا عمل مکمل
عزیز بھٹی شہید ٹیچنگ اسپتال کے سرجیکل وارڈ کی چھت گرگئی-دو مریض جاں بحق
پی ٹی آئی کاسینیئر رہنما حامد خان کو پارلیمنٹ کی پبلک اکاؤنٹس کمیٹی کا چیئرمین بنانے کا فیصلہ
ایرانی صدر کے دورہ پاکستان کے اختتام پر مشترکہ اعلامیہ جاری