لاہور (سی این پی) ہائی کورٹ نے بیگو، ٹک ٹاک، لائیکی سمیت دیگر سوشل میڈیا ایپلیکیشنز پر پابندی کی درخواست پر آفس اعتراض ختم کرتے ہوئے سماعت کے لیے مقرر کرنے کی ہدایت کر دی۔تفصیلات کے مطابق لاہور ہائی کورٹ کے جسٹس عابد عزیز شیخ نے وقاص انور گجر ایڈوکیٹ کی طرف سے سوشل میڈیا ایپس پرپابندی کی درخواست پر سماعت کی ۔عدالت نے ہائی کورٹ آفس کی جانب سے درخواست پر اعتراضات ختم کرتے ہوے سماعت کے لیے مقرر کرنے کا حکم دے دیا ۔درخواست میں پی ٹی اے، ایف آئی اے، بیگو، ٹک ٹاک، لائیکی کے مالکان سمیت دیگر کو فریق بنایا گیا ہے ، درخواست میں موقف اختیار کیا گیا ہے کہ بیگو، ٹک ٹاک، لائیکی اور دیگر سوشل میڈیا ایپلیکشنز کے ذریعے نوجوان اپنا وقت ضائع کررہے ہیں، ان ایپلیکشنز کے ذریعے بیہودگی، عریانیت اور غیر اخلاقی حرکات کو فروغ دیا جارہاہے۔دائر درخواست میں کہا ہے کہ پاکستان اسلامی ملک ہے، ریاست کی زمہ داری ہے کہ اسلامی شعائر کو فروغ دیا جائے، گزشتہ 2 برس کے دوران ٹک ٹاک کے لیے ویڈیوز بناتے ہوئے کئی نوجوان ہلاک ہو چکے ہیں، یہ ایپلیکشنز نوجوانوں کو خود غرضی کی طرف مائل کررہی ہیں اور ہم جنس پرستی کو بھی فروغ دے رہی ہیں ۔درخواست گزار کا کہنا ہے کہ ان ایپ پر پابندی کے لیے پی ٹی اے سمیت دیگر محکموں کو درخواستیں دی گئیں مگر کوئی شنوائی نہیں ہوئی، عدالت ایسی تمام سوشل میڈیا ایپس پر پابندی عائد کرے اور سوشل میڈیا ایپلیکیشنز کی مانیٹرنگ کیلئے قانون سازی کا حکم دیا جائے۔
کچے کے ڈاکوؤں کیخلاف جدید ٹیکنالوجی کی مدد سے مشترکہ آپریشن کا فیصلہ
بانی پی ٹی آئی کی تین مقدمات میں عبوری ضمانت میں توسیع
صدر مملکت اور وزیراعظم کی کراچی میں خودکش دھماکے کی شدید مذمت
کراچی، غیر ملکی شہریوں کو لے جانیوالی گاڑی پر حملہ، 2 دہشتگرد ہلاک
یاسمین راشد کی طبعیت شدید ناساز، جیل سے ہسپتال منتقل
فائرنگ سے کسٹم کے 4 اہلکاروں سمیت 6 افراد جاں بحق
مہنگی روٹی فروخت کرنے پر 80 افراد گرفتار
آرمی چیف سے ترکیہ کے چیف آف جنرل سٹاف کی ملاقات، دفاعی تعاون کو مزید وسعت دینے کا عزم
وفاقی پولیس کے اہلکارورں نے شہری کو لوٹ لیا، مقدمہ درج
بھارت اور پاکستان میں پنجاب کے لوگوں نے میرے وزیر اعلیٰ بننے پر جشن منایا، مریم نواز