پاکستان میں بھارتی ویرینٹ ڈیلٹا کا پھیلاؤ، این سی او سی کے اہم فیصلے

اسلام آباد(سی این پی)این سی او سی نے یوم آزادی پر ملک بھر کے ویکسی نیشن سینٹرز کھلے رکھنے اور 10،9محرم الحرام کو ویکسینیشن سینٹرزبند رکھنے کا فیصلہ کرلیا ہے۔تفصیلات کے مطابق نیشنل کمانڈ اینڈ آپریشن سینٹر نے ملک میں بھارتی ویرینٹ ڈیلٹا کے پھیلاؤ کے پیش نظر کورونا ویکسی نیشن مہم تیز کرنے کے لئے اہم فیصلے کرلیے۔ذرائع کا کہنا ہے کہ این سی او سی نے یوم آزادی پر ملک بھر کے ویکسی نیشن سینٹرز کھلے رکھنے کا فیصلہ کرتے ہوئے کہا ہے کہ ویکسینیشن سنٹرز 14 اگست کو کھلے رہیں گے۔ذرائع کے مطابق 10،9محرم الحرام کوملک بھر کے ویکسینیشن سینٹرزبند رکھنے کا فیصلہ کیا گیا ہے۔اس سے قبل این سی او سی کا کہنا تھا کہ ملک میں انڈین ویئرنٹ وبا پھیل رہا ہے ،کراچی سمیت ملک بھر میں بھارتی ویئرنٹ سے کورونا کا پھیلاؤ بڑھنےلگا، جس کے باعث محرم الحرام میں کورونا ایس اوپیز پر عمل ناگزیر بن چکا ہے۔خیال رہے گزشتہ 24 گھنٹوں کے دوران ملک بھر میں کرونا وائرس کے 81 مریض انتقال کر گئے، جس کے بعد مجموعی اموات کی تعداد24 ہزار سے تجاوز کرگئی ہے۔این سی او سی کے مطابق گزشتہ 24 گھنٹوں کے دوران کرونا وائرس کے 4 ہزار 856 نئے کیسز رپورٹ ہوئے اور اس دوران کرونا وائرس کے مثبت کیسز کی شرح7.50 فیصد رہی۔

اپنا تبصرہ بھیجیں