دبئی (سی این پی) دبئی کورٹس کے ڈائریکٹر جنرل طارش عید المنصوری نے گورنمنٹ کونسل کے ساتھ ایک اجلاس کے دوران ایکسپو 2020 دبئی میں ڈیجیٹل قانونی چارہ جوئی پروگرام کا آغاز کیا ہے۔اس پروگرام کا مقصد دبئی کی جامع ترقی سے آگاہ رہتے ہوئے تکنیکی قانونی چارہ جوئی کرنا اور دبئی حکومت کی ہدایات کے مطابق تخلیقی طریقے اختیار کرتے ہوئے عدالتی سماعتوں کو مستقل طور پر ایک دوری سے کرنے کے حوالے سے نائب صدر، وزیراعظم اور دبئی کے حکمران شیخ محمد بن راشد المکتوم کی سفارشات پر عمل درآمد کرنا ہے۔المنصوری نے بتایا کہ ڈیجیٹل قانونی چارہ جوئی پروگرام کا مقصد جدید ٹیکنالوجی کا استعمال اور عدالتی خدمات کو ڈیجیٹل طور پر تبدیل کرنا ہے، یہ کامیابی ٹیم ورک ، عدالتی اور انتظامی اداروں کے تعاون اور کوششوں کا نتیجہ ہے۔المنصوری نے کہا کہ دبئی کی عدالتیں اپنے نظام میں ترقی کا عمل جاری رکھیں گی اور انصاف کے نظام کو فروغ دینے اور اس میں ترمیم کرنے کے لیے سائلین اور وکلا سے مشورے لئے جائیں گے۔اس حوالے سے دبئی کی پہلی مثالی عدالت کے چیف جج ، حمد السبوسی نے کہا کہ ڈیجیٹل قانونی چارہ جوئی کا پروگرام ججز ، وکلا ، ماہرین اور مقدمے کے فریقین کی سہولت کے لئے ہے۔یہ ایک انٹرایکٹو آن لائن اسمارٹ سسٹم ہے جو آسانی سے ایک گھنٹے کے اندر استعمال میں لایا جاسکتا ہے اس میں درخواست کی رجسٹریشن ، معاون دستاویزات اور رپورٹس کو منسلک کرنا ، ڈیجیٹل دستخط ، صارفین کی شناخت کی آن لائن تصدیق سمیت کیس کے تمام مراحل کا احاطہ کیا گیا ہے۔اس طرح کے پروگرام سے ججز اور قابل محکموں کو مقدمات کی پیروی کرنے ، سزا سنانے اور آن لائن عمل درآمد کا اختیار دیتے ہیں۔اس حوالے سے دبئی کورٹس کے نظر ثانی جج حمد براہیم سیف نے کہا کہ دبئی کا عدالتی نظام ایک منصفانہ نظام پر مبنی ہے، یہ پروجیکٹ ہماری انتھک کوششوں کا نتیجہ ہے تاکہ قانونی چارہ جوئی کے طریقہ کار کو تیار کیا جا سکے۔
پیٹرول پمپ پر آئل ٹینکر میں آگ بھڑک اٹھی
وزیر اعلیٰ پنجاب کی زیر صدارت نواز شریف آئی ٹی سٹی پراجیکٹ کے حوالے سے اجلاس
آرمی چیف سے سعودی عرب کے معاون وزیر دفاع کی ملاقات، دفاعی تعاون بڑھانے پر تبادلہ خیال
ایران کے خلاف اسرائیلی جارحیت کی میڈیا رپورٹس اور خطے کی صورتحال کا جائزہ لے رہے ہیں۔دفتر خارجہ
بلوچستان کی 14 رکنی کابینہ نے حلف اٹھا لیا
ترکیہ کے چیف آف جنرل اسٹاف نیتن گوراگ کو نشان امتیاز ملٹری سے نواز دیا گیا
بلاول بھٹو نےاپوزیشن اراکین کو جنگل کا بندر قرار دے دیا
ہاؤسنگ اسکینڈل، اگر کلین چٹ دینا ہوتی تو انکوائری شروع نہ ہوتی، وزیر دفاع
بین الاقوامی سرمایہ کاری کے منصوبوں پر لاپرواہی قبول نہیں،وزیراعظم کی تنبیہ
فیض حمید نے دھرنے کے دوران ملاقات میں استعفے کا کہا: زاہد حامد کا کمیشن کو بیان