جاز کے پاس سب سے زیادہ نااہل عملہ ،انڈسٹری کے بڑے جھوٹے اور چور بھی ہیں ، افسوس یہ اتنے جرات مند نہیں کہ اپنی چوری قبول کرکے عوامی طور پر معافی مانگیں، وقاص صدیقی
میں نے کبھی بھی کسی ٹی وی/مووی شو اور گیمز کو سبسکرائب نہیں کیا، روزانہ بیلنس کاٹا جا رہا ہے ،جاز بدترین خدمات میں سرفہرست، بدقسمتی سے انہیں پروا تک نہیں ، فریحہ روحیل
جاز(JAZZ) ملک کی سب بڑی فراڈ کمپنی ہے ایسی کمپنی کبھی نہیں دیکھی جو آپ کی اجازت کے بغیر آپکے ذاتی نمبر کی ملکیت کسی بھی بااثر شخص کو منتقل کر سکتی ہے،کاشف آفتاب
دنیا کا سب سے گندا نیٹ ورک جاز(JAZZ)نیٹ ورک پاکستان میں خدمات انجام دے رہا ہے،براہ کرم جاز(JAZZ)نیٹ ورک کا بائیکاٹ کریں،صارف محمد دانیال
اسلام آباد(سی این پی)جاز(JAZZ) سیلولر کمپنی نے صارفین کے حقوق ہوا میں اڑا دیے ،جاز کی ڈیجیٹل سسٹمز اپ گریڈیشن جو 27روز سے جاری ہے مگر ختم ہونے کے کوئی آثار نظر نہیں آرہے ہیں ،جسکی وجہ سے صارفین کی زندگی اجیرن ہو چکی ہے جاز(JAZZ) اپنے صارفین کی مواصلاتی ضروریات کو پورا کرنے میں مسلسل ناکام ہے ۔صارفین کی جانب سے شکایات اور غصے کا سلسلہ جاری و ساری ہے۔سوشل میڈیا خصوصا جاز(JAZZ)کے آفیشل فیس بک پیج پر صارفین کی طرف سے شدید تنقیدکی جارہی ہے وہیں صارفین کیساتھ کیے جانے والے مبینہ فراڈ اور دھوکے پرصارف محمد یوسف نے سخت غصے کا اظہار کرتے ہوئے کہا کہ پہلے جاز(JAZZ)نیٹ ورک کا مسئلہ تھا لیکن اب جاز(JAZZ)کمپنی نے فراڈ بھی کرنا شروع کردیا ہے ،پہلے مختلف قسم کے ایس ایم ایس آنا شروع ہو تے ہیں تو پھر کچھ دن بعد پیسے کاٹنا شروع ہو جاتے ہیں ،آپ ہیلپ لائن پرکال کریں تو اسکے بھی چارجز آپکو ادا کرنا پڑتے ہیں اور جاز(JAZZ)کے نمائندے سے بات کرنے کیلئے 10منٹ سے زیادہ لگیں گے اور ہیلپ لائن والے 12 گھنٹے یا 24 گھنٹے کا ٹائم دیں گے مگر مسئلہ حل نہیں ہوگا،روزانہ کی بنیادوں پر کتنے لوگوں کو یہ مسئلہ درپیش ہوتا ہے اور ہر روز ہیلپ لائن پر کتنے لوگ اپنے مسائل کو حل کرنے کیلئے ہیلپ لائن پر کال کرتے ہیں اور اس مد میں جاز(JAZZ)کتنے پیسے صارفین سے بٹور رہا ہے ؟میرے ساتھ6 ماہ سے یہ مسئلہ چل رہا ہے اورروزانہ ہیلپ لائن پر فون بھی کرتا ہوں لیکن کوئی فائدہ نہیں ہوا۔میں اس طرح چارلوگوں کو جانتا ہوں جن کو یہ مسئلہ درپیش ہے ۔میں نے شکایت کرنے کے تمام ذرائع استعمال کئے مگر کوئی فائدہ نہیں ہوا،صارف کا مزید کہنا تھا کہ “جاز(JAZZ) فراڈ کرنے والی کمپنی ہے دنیا کو بتا دو”صارف وقاص صدیقی کا کہنا تھا کہ جاز کے پاس سب سے زیادہ نااہل عملہ اور انڈسٹری کے سب سے بڑے جھوٹے اور چور بھی ہیں۔ افسوس یہ اتنے جرات مند آدمی نہیں کہ اپنی چوری کو قبول کریں اور عوامی طور پر معافی مانگیں۔راجہ اویس کا کہنا تھا کہ احترام کے ساتھ یہ بتایا جاتا ہے کہ میں نے 01-10-2020 کو زونگ سے جاز پراپنا نیٹ ورک تبدیل کیا،جسکے بعد مجھے کال کرنے اور سروسز کی دستیابی میں مسائل کا سامنا رہا ،اپنی شکایت درج کروانے کیلئے میں نے 111 پر ڈائل کیا اور فرنچائز کے خلاف شکایت درج کروانا چاہی لیکن سی آر اووجیہہ نے بار بار کال کے بعدشکایت درج کرنے سے انکار کر دیا، چند منٹ خاموش رہی اور جب میں نے اس سے بات کرنا چاہی تو اس نے میری شکایت کے بارے میں مجھے کوئی جواب نہیں دیا۔ پھر میں نے کال منقطع کر دی اور وجیہہ اور فرنچائز کے خلاف شکایت درج کرنے کے لیے دوبارہ 111 پر ڈائل کیا، نئے سی آر او نے مجھے انتظار کرنے کو کہااور پھر اس نے میری کال سپروائزر کو منتقل کرنے کو کہا۔ سپروائزر عابدہ نے میری شکایت سنی اور مجھے شکایت درج کرنے کی یقین دہانی کرائی۔ آخر میں اس نے مجھے یقین دلایا کہ میری شکایت درج کر لی گئی ہے اور میں 111 پر کال کر کے دوبارہ چیک کر سکتا ہوں۔ جب میں نے دوبارہ 111 پر ڈائل کیا تو میری شکایت درج نہیں ہوئی تھی۔ مذکورہ افراد کے خلاف سخت کارروائی کی جائے اورجاز(JAZZ) کمپنی کو اپنی ہیلپ لائن پر موجود نمائندوں کی اصلاح کرنے چاہیے۔کاشف آفتاب کہتے ہیں کہ جاز(JAZZ)ملک کی سب بڑی فراڈ کمپنی ہے ایسی کمپنی کبھی نہیں دیکھی جو آپ کی اجازت کے بغیر آپکے ذاتی نمبر کی ملکیت کسی بھی بااثر شخص کو منتقل کر سکتی ہے، یہاں تک کہ جب آپ نے برانچ کا دورہ نہیں کیا بائیو میٹرک نہیں کی اور پھر آپکے نمبر کی ملکیت کسی اور کو منتقل ہوسکتی ہے ؟جاز(JAZZ) صارفین کے ساتھ فراڈ کر رہا ہے۔اس بابت پوچھنے پر انکے پاس لولالنگڑا بہانہ ہے کہ کچھ دستاویزات کی بنیاد پر آپ کا نمبر کسی کمپنی کو ٹرانسفر کیا گیا ہے کیادستاویزات کو چیک نہیں کرتے کہ یہ اصلی ہیں یا جعلی ؟صارف کی رضامندی، برانچ میں موجودگی، بائیو میٹرک پر انگوٹھوں کے نشان کے بغیر وہ جعلی دستاویزات کی بنیاد پر نمبروں کی ملکیت دوسرے لوگوں کو منتقل کر رہے ہیں ،جب صارف اس معاملے کی شکایت کرے تو وہ بات نہیں سنتے اور آپ کو وہی روایتی جواب دیتے ہیں ،تمام ای میل ثبوت کے طور پر موجود ہیں ، یقینی طور میں آپ کی فراڈ کمپنی کے خلاف ایف آئی اے میں شکایت کروں گا، میرا نمبر مجھے واپس دے دیں۔جاز(JAZZ) آپ کو ایسے فراڈ پر شرم آنی چاہیے جسکا جواز آپ اور آپ کی ٹیم ابھی تک فراہم نہیں کر سکے۔فریحہ روحیل نے کہا کہ میں نے اپنے موبائل نمبر پر کبھی بھی کسی ٹی وی/مووی شو اور گیمز کو سبسکرائب نہیں کیا ہے لیکن جاز(JAZZ)ان پیکجز کو اپنے طور پر ایکٹیویٹ کرتا ہے، صارف کی مرضی کے بغیرپیغامات کے ذریعے سبسکربشن کی تصدیق کرکے روزانہ کی بنیاد پر میرے بیلنس میں کٹوتی کرنا شرو ع کر دی گئی ۔ جازکی ہیلپ لائن پر کال کرنا بھی بیکار ہے۔ جاز(JAZZ)پاکستان میں بدترین خدمات میں سرفہرست ہے اور بدقسمتی سے جاز(JAZZ)کو اس کی پروا تک نہیں ہے۔محمد دانیال کا کہنا تھا کہ دنیا کا سب سے گندا نیٹ ورک جاز(JAZZ)نیٹ ورک پاکستان میں خدمات انجام دے رہا ہے۔براہ کرم جاز(JAZZ)نیٹ ورک کا بائیکاٹ کریں۔نیٹ ورک پر ہمیشہ سگنل کا مسئلہ ہوتا ہے چاہے آپ علاقے میں کہیں بھی ہوں۔انٹرنیٹ سروس ایم بی بہت جلد ختم ہو جاتے ہیں۔انٹرنیٹ پیکج سے رقم کاٹی جاتی ہے۔یہاں تک کہ اگر آپ انٹرنیٹ پیکج انسٹال کرتے ہیں تو آپ انٹرنیٹ استعمال کرکے پیسے بچا سکتے ہیں۔جبکہ ان میں سے انٹرنیٹ ایم بی بہت تیزی سے ختم ہو جاتے ہیں۔لہذا ہر کوئی انٹرنیٹ پیکجز کو بار بار ایکٹیویٹ کرتا ہے۔اگر آپ ان کی ہیلپ لائن پر کال کرتے ہیں تو وہ آپ کو پہلے انتظار کرواتے ہیں اور اس دوران بیلنس کٹ جاتا ہے۔ہم کسی نمائندے سے بات کریں تو اس کی آواز ٹھیک نہیں آتی۔ اس دوران وہ ہمارا بیلنس چیک کرتا ہے اور پھرسوچ کر کال کرتا ہے۔کسی مسئلے کو حل کرنے کے لیے آپ کو بار بار ہیلپ لائن پر کال کرنا پڑتی ہے اور اگر مسئلہ حل ہو جائے تو ایک ہفتے بعد دوبارہ وہی مسئلہ شروع ہو جاتا ہے۔براہ مہربانی بیلنس کی کم سے کم کٹوتی کرنے کی کوشش کریں۔جب سے وارد نیٹ ورک ان کے ساتھ ضم ہوا ہے، اس نیٹ ورک میں بھی مسائل پیدا ہونے لگے ہیں۔براہ کرم جاز(JAZZ)نیٹ ورک کا بائیکاٹ کریں، بائیکاٹ، بائیکاٹ،بائیکاٹ۔واضح رہے کہ جاز(JAZZ)کے خلاف صارفین کی شکایات اور غم وغصہ سیلولر کمپنیوں کے ریگولیٹر پاکستان ٹیلی کمیونیکیشن اتھارٹی (پی ٹی اے ) سمیت متعلقہ ادارے کی آنکھوں سے اوجھل ہے ،جسکی وجہ سے صارفین میں خاصی تشویش پائی جارہی ہے۔
