واشنگٹن(سی این پی)پیسے کی لالچ اور ہوس انسان کو اندھا کردیتی ہے ایسا ہی کچھ ہوا امریکا میں جہاں شوہر نے لائف انشورنس کی رقم حاصل کرنے کے لیے بیوی کو ہی موت کے گھاٹ اتار دیا۔تفصیلات کے مطابق اردو کی مشہور کہاوت ہے کہ لالچ بری بلا ہے اس میں کوئی شک نہیں کہ مال ودولت کی لالچ انسان کو غلط راستے کی طرف بھی لے جاتی ہے، امریکی ریاست کیرولینا میں لائف انشورنس کی رقم ہتھیانے کے لیے جوشوا نامی شوہر نے اپنی ہی بیوی کو موت کی نیند سلادیا۔میڈیاکے مطابق اسٹیسی نامی بیوی کی موت 23 ستمبر 2018 کو ہوئی، جسے ابتدا میں طبعی موت قرار دیا گیا کیوں کہ مذکورہ خاتون دل کے مرض میں بھی مبتلا تھیں، تحقیقات کے بعد حیران کن انکشاف نے شوہر کو بے نقاب کردیا۔اسٹیسی کی موت آئی ڈروپس (آنکھوں میں ڈالنے والے قطرے)اور نیزل اسپرے (ناک کے ذریعے پھیپڑوں میں منتقل کرنے والی خاص آکسیجن) سے ہوئی، رپورٹس کے مطابق ان دواں کی مقدار 30 سے 40 فیصد بڑھا کر دی گئی جس سے موت واقع ہوئی، بیوی کی موت کے بعد شوہر نے آٹواسپائے(موت کی وجہ سے متعلق تحقیق)کرانے سے بھی انکار کردیا تھا۔تاہم اسٹیسی کی ماں کو اپنے داماد پر شک تھا اسی بنیاد پر انہوں نے کیرولینا کی انشورنس کمپنی کو واقعے کی تحقیقات کا کہا اور اسٹیسی کے موجود شدہ خون ٹیسٹ کے بعد حقیقت کھل کر سامنے آگئی اور ملزم پکڑا گیا۔
