کراچی(سی این پی )پاکستان اسٹاک ایکسچینج میں دن کے آغاز پر ہی تیزی دیکھی جارہی ہے۔ 100 انڈیکس 540 سے زائد پوائنٹس کے اضافہ کے بعد 31 ہزار 500 پوائنٹس پر پہنچ گیا۔تفصیلات کے مطابق پاکستان اسٹاک ایکسچینج میں کاروبار کے آغاز پر تیزی دیکھی جارہی ہے۔ 100 انڈیکس میں 540 سے زائد پوائنٹس کا اضافہ دیکھا جارہا ہے۔دن کے آغاز پر ہی آج 100 انڈیکس 31 ہزار 500 پوائنٹس کی سطح عبور کرچکا ہے۔واضح رہے کہ گزشتہ کاروباری ہفتے میں بھی پاکستان اسٹاک ایکسچینج میں تیزی دیکھی گئی تھی اور 100 انڈیکس میں 2.7 فیصد اضافہ ہوا۔گزشتہ ہفتے کے آخری روز 100 انڈیکس 795 پوائنٹس اضافے سے 30 ہزار 467 پوائنٹس کی سطح پر بند ہوا۔ایک ہفتے میں شیئرز کی قیمت میں بھی اضافہ ہوا تھا جس کے باعث مارکیٹ کپیٹلائزئشن 105 ارب روپے اضافے سے 6187 ارب روپے ہوگئی۔
