کورونا وائرس ،صوبہ سندھ میں 7 نئے کیسز ،مجموعی تعداد421ہوگئی

کراچی (سی این پی) کورونا کے 7 نئے کیسز سامنے آگئے ، جس کے بعد کراچی میں مجموعی کیسز کی تعداد153 اور سندھ میں 421 ہوگئی ہے۔تفصیلات کے مطابق محکمہ صحت سندھ نے کورونا سے متعلق دوبجے تک رپورٹ کیسزکی سمری جاری کردی . جس میں بتایا گیا ہے کہ سندھ بھر میں آج کورونا کے 8 نئے کیس ، کراچی میں 7اورحیدرآبادمیں ایک نیاکیس رپورٹ ہوا، کراچی میں سات نئے کیسز میں وائرس مقامی طور پر منتقل ہوا۔محکمہ صحت سندھ کا کہنا ہے کہ کراچی میں مجموعی کیسز کی تعداد153 ، سندھ میں 421 اور حیدرآباد میں 2 ہوچکی ہے، شہر میں کیسز سماجی رابطوں کے باعث رپورٹ ہوئے اور سات نئے کیسز کا تعلق کراچی سے ہے، جن میں وائرس مقامی منتقلی سے ہوا۔محکمہ صحت کے مطابق ایک کیس حیدرآباد میں برطانوی ٹریولر ہسٹری کا رپورٹ ہوا ، کراچی میں 141افراد زیر علاج ہیں، 156کیسز میں سیاب تک 102کیسز مقامی منتقلی کے ہیں۔کراچی میں اب تک14افراد صحت یاب ہوچکے ہیں، صحت یاب افراد میں 13 کا تعلق کراچی اورایک کاحیدرآباد سے ہے جبکہ سکھر میں زائرین میں مثبت کیسزکی تعداد265 ہیں ، جنہیں مکمل صحتیاب ہونے تک قرنطینہ میں رکھا جائے گا اور منفی کیس3149ہیں۔خیال رہے پاکستان میں کوروناوائرس کے مریضوں کی تعدادایک ہزار102ہوگئی ہے، سندھ میں سب سے زیادہ افراد وبا سے متاثر ہیں ،کوروناوائرس کے 21مریض اب تک صحت یاب ہوچکے جبکہ جاں بحق ہونے والوں کی تعداد8 ہوگئی ہے۔