اسلام آباد(سی این پی)اسلام آباد ہائیکورٹ نے وفاقی ٹیکس محتسب مشتاق سکھیرا کو فوری بحال کرنے کا حکم دے دیا۔ چیف جسٹس اطہر من اللہ نے فیصلہ سنایا۔مشتاق سکھیرا نے برطرفی کو اسلام آباد ہائی کورٹ میں چیلنج کر رکھا تھا، حکومت نے مشتاق سکھیرا کی تعیناتی کے 31 اگست کے نوٹیفکیشن کو واپس لے لیا تھا۔ 13 جون کو مشتاق سکھیرا کو برطرف کرنے کا نوٹیفکیشن جاری کیا گیا۔ اسلام آباد ہائی کورٹ نے مشتاق سکھیرا کو 14 جون کو درخواست کے فیصلے تک بحال کر دیا تھا۔ حکومت نے مشتاق سکھیرا کی تعیناتی غیر قانونی قرار دے کر برطرف کیا تھا۔
