اسلام آباد(سی این پی)اثاثہ جات کیس میں گرفتار خورشید شاہ کو پولی کلینک ہسپتال سے ڈسچارج کر دیا گیا۔ ڈاکٹرز نے خورشید شاہ کو سکھر روانگی کے لیے فٹ قرار دے دیا۔سابق اپوزیشن لیڈر و رہنما پیپلزپارٹی خورشید شاہ کو نیب پنڈی کے آفس منتقل کر دیا گیا۔ خورشید شاہ 21 ستمبر تک راہداری ریمانڈ پر نیب کے حوالے ہیں۔ خورشید شاہ کو گزشتہ رات طبیعت خراب ہونے پر ہسپتال لایا گیا تھا۔ دوسری جانب پیپلز پارٹی کی رہنما شاہدہ رحمانی، مسرت مہیسر اور دیگر رہنما خورشید شاہ کی عیادت کیلئے ہسپتال پہنچے لیکن انہیں ملنے نہیں دیا گیا۔شاہدہ رحمانی نے میڈیا سے گفتگو کرتے ہوئے کہا کہ ہسپتال میں موجود نیب اہلکار ملنے نہیں دے رہے، ہمیں ان کی طبیعت کے بارے میں بھی نہیں بتایا جا رہا ہے۔
