واشنگٹن(سی این پی)امریکی ایوان نمائندگان کی جانب سے امریکی صدر ڈونلڈ ٹرمپ کے خلاف تحقیقات کے اعلان پر صدر ٹرمپ کا کہنا تھا کہ یہ تحقیقات گند سے زیادہ کچھ نہیں۔امریکی ایوان نمائندگان کی اسپیکر نینسی پلوسی نے منگل کے روز امریکی صدر ڈونلڈ ٹرمپ کے مواخذے کا اعلان کیا تھا۔ اپنے بیان میں ننیسی پلوسی کا کہنا تھا کہ صدر ٹرمپ امریکی آئینی اقدار کی خلاف ورزی کر رہے ہیں اور اس پر صدرکو لازمی طور پر جوابدہ ہونا چاہیے۔نینسی پلوسی نے یہ بھی کہا کہ صدر کے اقدامات سے ان کی آئینی ذمہ داریوں کی خلاف ورزی ہوئی ہے، لہذا ضروری ہے کہ ان کا احتساب کیا جائے۔ کوئی قانون سے بالاتر نہیں۔امریکی صدر نے مواخدے کے اعلان کے بعد ٹویٹ کرتے ہوئے کہا کہ یہ اعلان صدارت کو ہراساں کرنے کے مترادف ہے۔ امریکی صدر نے ٹوئٹر پر اپنے پیغام میں لکھا وزیر خارجہ مایئک پومپیو نے یوکرائن کی حکومت سے اس ٹیلی فون کال کی کاپی جاری کرنے کی اجازت لے لی ہے جس میں، میں نے ان کے صدر سے بات کی۔ ان کو بھی نہیں معلوم کے اس میں کیا بڑی بات ہے۔واضح رہے کہ امریکی صدر پر الزام ہے کہ انہوں نے یوکرین پر دبا ئوڈالا کہ وہ سال 2020 کے صدارتی انتخابات میں ان کے ممکنہ حریف جو بائیڈن سے متعلق تحقیقات کرے۔ایجنسی رپورٹ کے مطابق امریکا کے ایوان نمائندگان میں ڈونلڈ ٹرمپ کے خلاف مواخذے کی کارروائی کے حق میں ڈیموکریٹس کی تعداد میں خاصا اضافہ دیکھا گیا ہے اور 235 میں سے 145 اراکین اس کے حق میں ہیں۔ جو بائیڈن نے امریکی صدر کے خلاف مواخذے کی کارروائی کے فیصلے کی حمایت کی ہے۔
ملک میں آئندہ 25 دنوں کے دوران 3 ہیٹ ویو آنے کا خطرہ
وزیراعظم شہباز شریف آج آزاد کشمیر کا دورہ کریں گے
ملک کے بیشتر علاقوں میں موسم گرم اور خشک جبکہ وسطی اور جنوبی علاقوں میں شدید گرم رہے گا
نیب ترامیم کالعدم قرار دینے کیخلاف حکومتی اپیلوں پر آج سماعت ہو گی
پیٹرول کی فی لیٹر قیمت میں 15روپے 39 پیسے اور ڈیزل کی قیمت میں 7روپے 88پیسے کمی کا اعلان
شہید میجر بابر خان نیازی آبائی علاقے میں مکمل فوجی اعزاز کے ساتھ سپرد خاک
عام انتخابات سے متعلق الیکشن کمیشن کی رپورٹ جاری
شہدا کے یادگاروں پر حملہ کرنے کا حق کسی کو نہیں، بلاول بھٹو
عمران خان کی 190 ملین پاؤنڈ اسکینڈل کیس میں ضمانت منظور
پاکستان کا فتح ٹو گائیڈڈ راکٹ کا کامیاب تجربہ