لاہور (سی این پی) علامہ اقبال انٹر نیشنل ایئر پورٹ پر کسٹم حکام نے بیرون ملک سے اسمگل شدہ 60 لاکھ لاگت کے دل میں ڈالنے والے میڈیکل اسٹنٹس کے 159 سیٹ پکڑ لیے۔تفصیلات کے مطابق دل میں ڈالنے والے اسٹنٹس کی اسمگلنگ ناکام بنا دی گئی، علامہ اقبال انٹر نیشنل ائر پورٹ پر کسٹم ٹریفک نے بڑی کارروائی کی اوربیرون ملک سے اسمگل شدہ 60 لاکھ لاگت کے دل میں ڈالنے والے میڈیکل اسٹنٹس کے 159 سیٹ پکڑ لیے ۔ڈی سی کسٹم ثاقب وڑائچ نے بتایا مسافر ایمرٹس ائر کی پرواز 624سے دبئی سے لاہور پہنچا ، فیاض احمد نامی مسافر دل میں استعمال ہونے والے اسٹنٹس کی اسمگلنگ کا کام کرتا ہے ۔ثاقب وڑائچ کا کہنا تھا کہ حکومت پاکستان کی منظوری کے بغیر کوئی بھی مسافر بیرون ملک سے میڈیکل آلات یا دل کے عارضے میں استعمال ہونے والے اسٹنٹ ساتھ نہیں لا سکتا۔انھوں نے بتایا کہ ڈرگ ریگولڑی اتھارٹی کی جانب سے این اوسی بھی مسافر سے برآمد نہیں ہوا ، دل میں استعمال ہونے والی ڈیوائس کوبغیر ڈریپ ٹیسٹ کے استعمال کرنا مضر صحت ہے ۔ڈی سی کسٹم نے کہا کہ ایئر پورٹ ٹریفک کسٹم نے لاکھوں روپے مالیت کے غیر قانونی طور پر اسمگل شدہ دل کے عارضے میں استعمال ہونے والے اسٹنٹ ضبط کر لیے، مسافر کراچی کا رہائشی ہے دبئی سے لاہور سمگلنگ کرتے ہوئے پکڑا گیا ۔کلکٹر کسٹم ائر پورٹ کی جانب سے عملے کو اسمگلنگ ناکام بنانے پر شاباش دی۔
حکمرانوں سے کسانوں کے نقصان کی ایک ایک پائی وصول کریں گے، حافظ نعیم الرحمن
پنجاب کا کوئی ایسا ہسپتال نہیں رہےگا جہاں مفت علاج نہ ہورہا ہو، وزیر اعلیٰ پنجاب
بجٹ میں معذور اور خصوصی افراد کو اقوام متحدہ کے چارٹرڈ کے مطابق ٹیکس میں رعایت دی جائے، شاہد میمن
نیب ترامیم کیس، عمران خان ویڈیو لنک ک ذریعے پیش، تصویر وائرل ہونے کی تحقیقات شروع
امریکی قونصل خانہ کراچی کے کرافٹ پرینیورشپ پروگرام کا پاکستانی خواتین کو بااختیار بنانے میں اہم کردار
نیشنل لابنگ وفد کے اعلیٰ سطحی وفد کی چیئرپرسن قومی کمیشن براے وقار نسواں نیلوفر بختیار سے ملاقات
ملک میں آئندہ 25 دنوں کے دوران 3 ہیٹ ویو آنے کا خطرہ
وزیراعظم شہباز شریف آج آزاد کشمیر کا دورہ کریں گے
ملک کے بیشتر علاقوں میں موسم گرم اور خشک جبکہ وسطی اور جنوبی علاقوں میں شدید گرم رہے گا
نیب ترامیم کالعدم قرار دینے کیخلاف حکومتی اپیلوں پر آج سماعت ہو گی