گوجرانوالہ(سی این پی)مسلم لیگ ن پنجاب کے صدر رانا ثناءاللہ کیخلاف ارادہ قتل کا مقدمہ درج کرلیا گیا ہے، ایف آئی آر میں سابق وفاقی وزیردفاع خرم دستگیرخان اور دیگر کو بھی نامزد کیا گیا ہے۔تفصیلات کے مطابق گوجرانوالہ میں ہونے والے پی ڈی ایم کے جلسے میں پولیس اہلکاروں کو جان سے مارنے کو شش کے الزام میں مسلم لیگ ن پنجاب کے صدر رانا ثناءاللہ کیخلاف ارادہ قتل کا مقدمہ درج کرلیا گیا ہے۔مذکورہ مقدمہ سب انسپکٹر اصغرحسین کی مدعیت میں تھانہ سیٹلائٹ ٹاؤن میں درج کیا گیا ہے، ایف آئی آر میں سابق وفاقی وزیرخرم دستگیرخان کے علاوہ ایم پی اے عمران خالد بٹ،سٹی صدر ن لیگ سلمان خالد کو بھی نامزد کیا گیا ہے۔ایف آئی آر کے متن میں کہا گیا ہے کہ کارسوار 4لیگی کارکنوں نے پولیس اہلکاروں کو گاڑی سے روندنے کی کوشش کی۔
