واشنگٹن (سی این پی)ڈیموکریٹک رہنما نینسی پلوسی چوتھی مرتبہ امریکی ایوان نمائندگان کی اسپیکر منتخب ہوگئیں۔میڈیا رپورٹ کے مطابق صدر ٹرمپ کی ناقد اور معروف امریکی سیاست داں رہنما ڈیموکریٹک پارٹی نینسی پلوسی چوتھی بار ایوان نمایندگان کی اسپیکر بن گئیں، نینسی پلوسی کو واحد خاتون سیاست داں ہیں جنہیں چوتھی بار اسپیکر منتخب ہونے کا اعزاز حاصل ہوا ہے۔میڈیا رپورٹس میں بتایا گیا ہے کہ 80 سالہ نینسی کے مقابل کسی امیدوار نے اسپیکر کے انتخاب میں حصہ نہیں لیا اور 218 ووٹوں کی اکثریت سے اسپیکر منتخب ہوگئیں، وہ جنوری میں ہی ایوان کے باقاعدہ آغاز کے موقع پر اپنے عہدے کا حلف اٹھائیں گی۔واضح رہے کہ 2019 میں ایوان نمائندگان کے اسپیکر کے انتخاب کیلئے متعدد ڈیموکریٹس اراکین نے دوسرے امیدواروں کے حق میں اپنا ووٹ دیا تھا تاہم 2021 کے انتخابات میں کوئی امیدوار نینسی پلوسی کے مدمقابل نہیں آیا۔
