اسلام آباد(سی این پی) وزیراعظم کے معاون خصوصی پاور ڈویژن تابش گوہر بھی یواے ای کے اقامہ ہولڈر نکلے۔ سرکاری دستاویز میں انکشاف ہوا ہے کہ وزیراعظم عمران خان کے معاون خصوصی پاور ڈویژن تابش گوہر (1999 )سے دبئی میں مستقل سکونت کا اقامہ رکھتے ہیں۔وزیراعظم نے تابش گوہر کو یکم اکتوبر 2020 کو اعزازی طور پر اپنا معاون خصوصی پاور ڈویژن مقرر کیا تاہم انہوں نے اپنے یواے ای کے اقامہ رکھنے کے حوالے سے عوامی سطح پر آگاہ نہیں کیا البتہ انہوں اس سال 12 فروری کو کابینہ ڈویژن کواپنی غیرملکی سکونت کے حوالے سے تحریری آگاہ کیا ہے۔ تابش گوہر وزیراعظم عمران خان کی کابینہ کے پہلے رکن ہیں جو متحدہ عرب امارات کی ریاست دبئی کی مستقل سکونت کا پرمٹ رکھتے ہیں، وفاقی کابینہ میں مجموعی طور پر امریکا،کینیڈا، یواے ای کی مستقل رہائش اور برطانوی شہریت کے حامل ارکان کی مجموعی تعداد 6 ہوگئی ہے۔وزیراعظم کے معاون خصوصی امور اوورسیز پاکستانیز ذلفی بخاری برطانوی شہریت کے حامل ہیں اور حال ہی میں مستعفی ہونے والے دو معاونین خصوصی ندیم افضل چن کینیڈا جب کہ شہزادہ قاسم امریکا کی مستقل رہائش کاپرمٹ (گرین کارڈ) رکھتے ہیں۔وزیراعظم عمران خان کی موجودہ کابینہ میں معاون خصوصی سیاسی امور شہباز گل، معاون خصوصی امور قومی سلامتی معید یوسف، معاون خصوصی رف حسن اور معاون خصوصی پیٹرولیم ڈویژن ندیم بابر بھی امریکی گرین کارڈ ہولڈر ہیں۔وزیراعظم کی کابینہ کے ایک وفاقی وزیر کی مبینہ غیرملکی شہریت رکھنے اور چھپانے کا معاملہ عدالتوں اور الیکشن کمیشن میں زیرسماعت ہے۔وزیراعظم کی 49 رکنی کابینہ میں 28 وفاقی وزرا، 3 وزرائے مملکت، 4 مشیر اور 14 معاونین خصوصی شامل ہیں۔وزیراعظم عمران خان اقامہ رکھنے پر سابق وزیراعظم نوازشریف اور ان کی کابینہ ارکان کو شدید تنقید کا نشانہ بناتے رہے ہیں۔
حکمرانوں سے کسانوں کے نقصان کی ایک ایک پائی وصول کریں گے، حافظ نعیم الرحمن
پنجاب کا کوئی ایسا ہسپتال نہیں رہےگا جہاں مفت علاج نہ ہورہا ہو، وزیر اعلیٰ پنجاب
بجٹ میں معذور اور خصوصی افراد کو اقوام متحدہ کے چارٹرڈ کے مطابق ٹیکس میں رعایت دی جائے، شاہد میمن
نیب ترامیم کیس، عمران خان ویڈیو لنک ک ذریعے پیش، تصویر وائرل ہونے کی تحقیقات شروع
امریکی قونصل خانہ کراچی کے کرافٹ پرینیورشپ پروگرام کا پاکستانی خواتین کو بااختیار بنانے میں اہم کردار
نیشنل لابنگ وفد کے اعلیٰ سطحی وفد کی چیئرپرسن قومی کمیشن براے وقار نسواں نیلوفر بختیار سے ملاقات
ملک میں آئندہ 25 دنوں کے دوران 3 ہیٹ ویو آنے کا خطرہ
وزیراعظم شہباز شریف آج آزاد کشمیر کا دورہ کریں گے
ملک کے بیشتر علاقوں میں موسم گرم اور خشک جبکہ وسطی اور جنوبی علاقوں میں شدید گرم رہے گا
نیب ترامیم کالعدم قرار دینے کیخلاف حکومتی اپیلوں پر آج سماعت ہو گی