اسلام آباد(سی این پی)سپریم کورٹ آف پاکستان نے کرک میں ہندو سمادھی جلانے اور اقلیتوں کے حقوق سے متعلق از خود نوٹس میں ملک بھر میں مندر اور گوردواروں سے متعلق رپورٹ دوبارہ جمع کرانے کا حکم دے دیا ۔پیر کو سپریم کورٹ آف پاکستان نے کرک میں ہندو سمادھی جلانے سے متعلق 15 فروری کی سماعت کا تحریری حکمنامہ جاری کر دیا ہے، جس کے مطابق ملتان میں پر ہلاد مندر کی بحالی سے متعلق چیف سیکریٹری پنجاب کو آئندہ سماعت پر طلب کیا گیا ہے۔تحریری حکم نامہ میں کہا گیا کہ چیف سیکریٹری پنجاب نے سپریم کورٹ کے احکامات پر عملدرآمد نہیں کرایا۔ چیف سیکریٹری پنجاب پرہلاد مندر کی بحالی سے متعلق 2 ہفتوں میں رپورٹ جمع کرائیں۔ تحریری فیصلے میں کہا گیا ہے کہ وقف املاک بورڈ کرک سمادھی کی از سر نو تعمیر کیلئے 38 ملین روپے پاکستان ہندو کونسل کو ادا کرے۔حکمنامہ میں کہا گیا کہ کرک سمادھی جلانے میں ملوث افراد کیخلاف فوجداری کارروائی مکمل کی جائے۔ کٹاس راج مندر کا انتظام پنجاب حکومت سے وقف املاک بورڈ کو واپس دیا جائے۔ اس حوالے سے وقف املاک بورڈ کے چیئرمین آئندہ سماعت پر ذاتی حیثیت میں پیش ہوں۔حکم نامے میں کہا گیا ہے کہ ملک میں یکساں تعلیمی نصاب سے متعلق وزارت تعلیم کی رپورٹ واپس کی جاتی ہے ۔ حکم نامہ میں یہ بھی بتایا گیا کہ وفاقی سیکریٹری تعلیم آئندہ سماعت پر ذاتی حیثیت میں پیش ہوکر تفصیلی رپورٹ جمع کرائیں ۔
واوڈا اور مصطفیٰ کمال کو توہین عدالت کا شوکاز نوٹس جاری، ذاتی حیثیت میں سپریم کورٹ طلب
سمز بلاک کرنے سے نہیں، صرف نجی کمپنی کیخلاف کارروائی سے روکا تھا، اسلام آباد ہائیکورٹ
شناختی کارڈز نظام کو فول پروف بنانے کیلئے پلان طلب
کیسے ممکن تھا آزاد کشمیر کے عوام مشکل میں ہوں اور ہم چین سے بیٹھیں،وزیراعظم
پاک افغان بارڈر طورخم آج سے تین روز کیلئے بند
حکمرانوں سے کسانوں کے نقصان کی ایک ایک پائی وصول کریں گے، حافظ نعیم الرحمن
پنجاب کا کوئی ایسا ہسپتال نہیں رہےگا جہاں مفت علاج نہ ہورہا ہو، وزیر اعلیٰ پنجاب
بجٹ میں معذور اور خصوصی افراد کو اقوام متحدہ کے چارٹرڈ کے مطابق ٹیکس میں رعایت دی جائے، شاہد میمن
نیب ترامیم کیس، عمران خان ویڈیو لنک ک ذریعے پیش، تصویر وائرل ہونے کی تحقیقات شروع
امریکی قونصل خانہ کراچی کے کرافٹ پرینیورشپ پروگرام کا پاکستانی خواتین کو بااختیار بنانے میں اہم کردار