بھارت،پولیس اہلکاروں کو دوران ڈیوٹی رقص کرنا مہنگا پڑگیا

نئی دہلی(سی این پی)بھارت میں دو پولیس اہلکاروں کو دوران ڈیوٹی رقص و گلوکاری کی ویڈیوز بنانا مہنگا پڑگیا۔انٹرنیٹ کا سہارا لیکر صرف نوجوان ہی اپنی صلاحیتوں کے جوہر دکھاکر صارفین کی توجہ اپنی جانب مبذول نہیں کروا رہے بلکہ پولیس اہلکار بھی سوشل میڈیا کی مدد سے اپنی صلاحیتوں کے جوہر دکھا رہے ہیں۔ایسے ہی دو پولیس اہلکار بھارتی دارالحکومت نئی دہلی کے بھی ہیں، جنہوں نے سوشل میڈیا صارفین کی توجہ حاصل کرنے کےلیے بالی ووڈ کے گانوں پر اداکاری کرنے کی ویڈیو بناکر سوشل میڈیا پر اپلوڈ کی، جو دیکھتے ہی دیکھتے وائرل ہوگئی۔ہیڈکانسٹیبل ساشی اور کانسٹیبل وویک ماتر کی ویڈیو انٹرنیٹ پر وائرل ہوتے ہی ان کےلیے مشکلات کا باعث بن گئی، کیوں کہ دونوں اہلکاروں نے دوران تفریح کی اور کرونا ایس او پیز کی دھجیاں بھی اڑا دیں۔دہلی پولیس کے دونوں اہلکاروں نے لاپرواہی کا مظاہرہ کرتے ہوئے ویڈیو بنانے کے دوران نہ ہی سماجی فاصلے کا خیال رکھا اور ویڈیو کے دوران ماسک بھی اتار دیا۔محکمہ پولیس کی جانب سے دونوں اہلکاروں کو دوران ڈیوٹی غفلت برتنے اور کرونا ایس او پیز کی خلاف ورزی کرنے پر شوکاز نوٹس دے دیا گیا۔