اسلام آباد(سی این پی) واجبات کی عدم ادائیگی پر سینیٹر سیف اللہ ابڑو کی نا اہلی کے لیے درخواست گزار نے عدالت سے رجوع کر لیا۔تفصیلات کے مطابق اسلام آباد کے شہری احمد حفیظ کی جانب سے رئیس عبدالواحد ایڈووکیٹ نے عدالت میں ایک درخواست دائر کی ہے، جس میں استدعا کی گئی ہے کہ سینیٹر سیف اللہ ابڑو کو نا اہل قرار دیا جائے۔درخواست گزار نے کہا ہے کہ سینیٹر سیف اللہ ابڑو اور احمد حفیظ کے درمیان 2 جولائی 2020 کو ایک کاروباری مفاہمت ہوا تھا، تاہم سینیٹر سیف اللہ ابڑو نے ڈیزل سپلائی مفاہمت کی خلاف ورزی کی اور وعدہ خلافی کے مرتکب ہوئے۔درخواست گزار کا کہنا تھا کہ انھوں نے الیکشن کمیشن اور تھانہ مارگلہ میں درخواست دی ہے، عدالت سینیٹر سیف اللہ ابڑو کے خلاف ایف آئی آر درج کرنے کا حکم دے۔درخواست میں کہا گیا ہے کہ درخواست گزار گرین ٹری اور قلندر بخش ابڑو کمپنی کو مفاہمت کے تحت ڈیزل سپلائی کرتا تھا، لیکن سیف اللہ ابڑو واجبات ادا کرنے سے قاصر ہیں، ان پر ڈیڑھ کروڑ روپے کے واجبات ہیں۔درخواست گزار کا مؤقف تھا کہ ڈیڑھ کروڑ روپے کی عدم ادائیگی کی وجہ سے انھیں مالی مشکلات کا سامنا ہے، واجبات کی عدم ادائیگی اور وعدہ خلافی کے سبب سینیٹر سیف اللہ ابڑو صادق اور امین نہیں ہے، اس لیے انھیں نا اہل قرار دیا جائے۔
ملک میں آئندہ 25 دنوں کے دوران 3 ہیٹ ویو آنے کا خطرہ
وزیراعظم شہباز شریف آج آزاد کشمیر کا دورہ کریں گے
ملک کے بیشتر علاقوں میں موسم گرم اور خشک جبکہ وسطی اور جنوبی علاقوں میں شدید گرم رہے گا
نیب ترامیم کالعدم قرار دینے کیخلاف حکومتی اپیلوں پر آج سماعت ہو گی
پیٹرول کی فی لیٹر قیمت میں 15روپے 39 پیسے اور ڈیزل کی قیمت میں 7روپے 88پیسے کمی کا اعلان
شہید میجر بابر خان نیازی آبائی علاقے میں مکمل فوجی اعزاز کے ساتھ سپرد خاک
عام انتخابات سے متعلق الیکشن کمیشن کی رپورٹ جاری
شہدا کے یادگاروں پر حملہ کرنے کا حق کسی کو نہیں، بلاول بھٹو
عمران خان کی 190 ملین پاؤنڈ اسکینڈل کیس میں ضمانت منظور
پاکستان کا فتح ٹو گائیڈڈ راکٹ کا کامیاب تجربہ