راولپنڈی ( سی این پی )واسا کے شعبہ سینی ٹیشن کی مسلسل غفلت اور ”ڈنگ ٹپاؤ”پالیسی کے باعث کمرشل مارکیٹ ،ڈی اور بی بلاک سیٹلائٹ ٹاؤن میں جابجا واقع سیوریج لائینیں بند ہونے کی وجہ سے گٹروں کا گندہ پانی گذشتہ 20,20 دن سے گھروں میں جمع ہے ۔واسا کے شعبہ شکایات واقع فائر بریگیڈسیٹلائٹ ٹاؤن میں شہریوں کی طرف سے باربار شکایت درج کرانے کے باوجود کئی کئی دن گٹروں کو کھولنے کی زحمت گوارا نہیں کی جاتی ۔واسا کا عملہ محض ٹوٹل پورا کرنے بعد مذکورہ سیوریج لائنوں کا چکر لگاتا ہے اور حیلے بہانوں سے کئی کئی دن گٹر کھولنے کی تدبیر نہیں کرتا ۔بعض جگہوں پر عارضی طور پر گٹر کھول دئیے جاتے ہیں جو دوسرے دن پھر بندہوجاتے ہیں ۔گٹر بند ہونے کی وجہ سے گھروں کے اندر کھڑے کئی کئی فٹ پانی میں مچھروں کی افزائش سے ڈینگی پھیلنے کا بھی شدید خطرہ ہے ۔اس کے باوجودواسا کا عملہ ء صفائی ٹس سے مس نہیں ہوتا ۔پیدا شدہ صورت حال پر شہریوں نے وزیر اعلیٰ پنجاب سردار عثمان بزدار ، وزیر بلدیات ،ڈپٹی کمشنر راولپنڈی ، ایم ڈی واسا ہارون ہاشمی و دیگر حکام کی توجہ اس جانب مبذول کروائی ہے اور کہا ہے کہ یوں تو ساری کمرشل مارکیٹ کے چاروں اطراف اور ”بی” و” ڈی” بلاک کی لنک روڈ ز پر بیشتر گٹر بند پڑے رہتے ہیں ۔اور ان سے نکلنے والا گندہ پانی سڑکوں پر بہہ رہا ہے ۔بدبو اور تعفن سے شہریوں کا سانس تک لینا محال ہے ۔ڈینگی کے چکرمیں شہریوں کو تو بھاری جرمانے کئے جاتے ہیں لیکن ڈینگی کا سبب بننے والے واسا کے عملے کی طرف کوئی دھیان نہیں دیا جاتا ۔عملہ جان بوجھ کر گٹروں کی صفائی میں لیت و لعل سے کام لیتا ہے ۔شہریوں نے 5thروڈ پر کرسٹل مال کی بیک گلی اور لنک روڈ پو واقع بیوٹی پارلر کے سامنے کئی ہفتوں سے بند گٹر کو کھلوانے کا مطالبہ کیا ہے ۔
ملک میں آئندہ 25 دنوں کے دوران 3 ہیٹ ویو آنے کا خطرہ
وزیراعظم شہباز شریف آج آزاد کشمیر کا دورہ کریں گے
ملک کے بیشتر علاقوں میں موسم گرم اور خشک جبکہ وسطی اور جنوبی علاقوں میں شدید گرم رہے گا
نیب ترامیم کالعدم قرار دینے کیخلاف حکومتی اپیلوں پر آج سماعت ہو گی
پیٹرول کی فی لیٹر قیمت میں 15روپے 39 پیسے اور ڈیزل کی قیمت میں 7روپے 88پیسے کمی کا اعلان
شہید میجر بابر خان نیازی آبائی علاقے میں مکمل فوجی اعزاز کے ساتھ سپرد خاک
عام انتخابات سے متعلق الیکشن کمیشن کی رپورٹ جاری
شہدا کے یادگاروں پر حملہ کرنے کا حق کسی کو نہیں، بلاول بھٹو
عمران خان کی 190 ملین پاؤنڈ اسکینڈل کیس میں ضمانت منظور
پاکستان کا فتح ٹو گائیڈڈ راکٹ کا کامیاب تجربہ