لاہور(سی این پی)کالعدم تنظیم تحریک لبیک پاکستان کے احتجاج کے باعث پنجاب کے متعدد شہروں میں انٹرنیٹ سروس معطل کردی گئی۔جسکی وجہ سے شہریوں کو شدید مشکلات کا سامنا کرنا پڑرہا ہے،صوبائی محکمہ داخلہ کے مطابق شیخوپورہ، گوجرنوالہ اور گجرات میں انٹرنیٹ سروس تاحکم ثانی معطل رہےگی۔اس کے علاوہ کالا شاہ کاکو، مرید کے،کامونکی، گوجرانوالہ، وزیر آباد اور گجرات میں بھی انٹرنیٹ سروس کو بند کردیا گیا ہے۔محکمہ داخلہ کا کہنا ہےکہ ریلی جس جس ضلع سے گزرے گی وہاں انٹرنیٹ سروس معطل کی جائے گی۔
