ریاض(سی این پی)سعودی عرب نے کورونا کیسز میں کمی آنے پر مملکت میں آنے والے مسافروں کیلئے پی سی آر ٹیسٹ اور قرنطینہ کی شرط ختم کر دی ہے۔سعودی گزٹ کے ٹویٹر پیغام میں کہا گیا ہے کہ مسجدالحرام اور مسجد نبوی ۖ سمیت تمام مساجد میں سماجی فاصلے سمیت کورونا لاک ڈاون سے منسلک پابندیاں ختم کر دی گئی ہیں تاہم ماسک اب بھی لازمی پہننا ہو گا۔سعودی گزٹ کی جانب سے مزید کہا گیا کہ بیرون ملک سے آنے والوں پر عائد پی سی آر ٹیسٹ اور قرنطینہ کی پابندی بھی ہٹا لی گئی ہے، نئے احکامات کا آج سے عملدرآمد یقینی بنایا جائیگا۔
