اسلام آباد(سی این پی)اسلامی نظریاتی کونسل کے چیئرمین ڈاکٹرقبلہ ایاز نے وفاقی حکومت کی طرف سے سودی نظام کے خاتمے کے متعلق وفاقی شرعی عدالت کے فیصلے کے خلاف کی جانے والی اپیل واپس لینے کے اعلان کا خیر مقدم کیا ہے۔وفاقی حکومت کی طرف سےمعیشت کو اسلامی خطوط پر چلانے کا عزم اوروفاقی شرعی عدالت کے فیصلے کی روشنی میں معیشت سے سود کے خاتمے کے لیے مزید التوا سے بچنا ایک قابل تحسین قدم ہے۔ انہوں نے کہا کہ جب وفاقی شرعی عدالت کا فیصلہ آیا تو اسلامی نظریاتی کونسل نے اس وقت بھی اس فیصلے پر عمل درآمد کے لیے عملی خاکہ مرتب کرنے میں تعاون کی پیش کش کی تھی۔ڈاکٹرقبلہ ایاز نے کہا کہ وفاقی وزیر خزانہ اسحاق ڈار کی طرف سے وفاقی شرعی عدالت کے فیصلے کے خلاف سٹیٹ بینک اور نیشنل بینک کی اپیلوں کو واپس لینے کا اعلان خوش آئند ہے۔اسلامی نظریاتی کونسل توقع رکھتی ہے کہ وفاقی حکومت نجی بینکوں کو بھی درخواست واپس لینے کے لیے اپنے اثر ورسوخ کو استعمال کرے گی۔ڈاکٹر قبلہ ایاز نے اسلامی نظریاتی کونسل کی طرف سےاس سلسلے میں تعاون کی پیش کش دہراتے ہوئے کہا کہ ملکی معیشت سے سود کے خاتمے کے اس شرعی، آئینی اور قانونی اقدام کو عملی جامہ پہنانے کے لیے وفاقی حکومت جونہی کونسل سے رجوع کرے گی کونسل دیگر متعلقہ اداروں کے ساتھ مل کر اس کا عملی خاکہ مرتب کرنے سمیت ہر مرحلے پر تعاون کرے گی۔
حکمرانوں سے کسانوں کے نقصان کی ایک ایک پائی وصول کریں گے، حافظ نعیم الرحمن
پنجاب کا کوئی ایسا ہسپتال نہیں رہےگا جہاں مفت علاج نہ ہورہا ہو، وزیر اعلیٰ پنجاب
بجٹ میں معذور اور خصوصی افراد کو اقوام متحدہ کے چارٹرڈ کے مطابق ٹیکس میں رعایت دی جائے، شاہد میمن
نیب ترامیم کیس، عمران خان ویڈیو لنک ک ذریعے پیش، تصویر وائرل ہونے کی تحقیقات شروع
امریکی قونصل خانہ کراچی کے کرافٹ پرینیورشپ پروگرام کا پاکستانی خواتین کو بااختیار بنانے میں اہم کردار
نیشنل لابنگ وفد کے اعلیٰ سطحی وفد کی چیئرپرسن قومی کمیشن براے وقار نسواں نیلوفر بختیار سے ملاقات
ملک میں آئندہ 25 دنوں کے دوران 3 ہیٹ ویو آنے کا خطرہ
وزیراعظم شہباز شریف آج آزاد کشمیر کا دورہ کریں گے
ملک کے بیشتر علاقوں میں موسم گرم اور خشک جبکہ وسطی اور جنوبی علاقوں میں شدید گرم رہے گا
نیب ترامیم کالعدم قرار دینے کیخلاف حکومتی اپیلوں پر آج سماعت ہو گی