سرگودھا(سی این پی) یونیورسٹی آف سرگودھا غیر قانونی تقرریوں کے معاملے پر بازی لے گئی، غیر قانونی طور پر بھرتی ہونے والے لیکچرار کو رجسٹرار بنانے کی سمری ہائر ایجوکیشن کے ذریعے چانسلر گورنر پنجاب کو بھجوا دی۔ تفصیلات کے مطابق جامعہ سرگودھا نے 8ماہ قبل رجسٹرار کی آسامی کا اشتہار دیا جس پر ایچ ای ڈی پنجاب نے بھرتی روکنے سے متعلق احکامات جاری کیئے اور ہدایات کیں کہ جب تک چانسلر سے نئے قوانین منظور نہیں ہو جاتے تب تک بھرتی نہ کی جائے تاہم جامعہ سرگودھا نے چند ماہ بھرتی کا عمل روکنے کے بعد فوری طور پر امیدواروں کے انٹرویو لینا شروع کر دیا جو مکمل طور پر قانون کے خلاف تھا۔ یونیورسٹی آرڈیننس کے سیکشن 26 کے تحت تقاضوں کے مطابق چانسلر سے اس عہدے کے لئے قانون کی منظوری سے قبل ہی ایچ ای ڈی نے رجسٹرار کی خالی پوزیشن کی تشہیر کرنے پر شدید تشویش ظاہر کی تھی۔اس سلسلے میں ، ایچ ای ڈی نے جامعہ آرڈیننس کی سراسر خلاف ورزی کئے جانے پر رجسٹرار کی تقرری کے عمل کو روکنے کے لئے نوٹس جاری کیا تھااس سے قبل ، چانسلر نے مئی 2018 میں ، وی سی ڈاکٹر اشتیاق سے کہا تھا کہ وہ یونیورسٹی کے قواعد و ضوابط کے بارے میں اپنے علم میں بہتری لائیں اور غیر قانونی اقدامات اور اپنے منصب کے غلط استعمال سے گریز کریں۔ تاہم تمام تر ہتھکنڈے استعمال کرتے ہوئے وی سی سرگودھا ڈاکٹر اشتیاق نے سلیکشن بورڈ کی صدارت کی اور 3 امیدواروں کو شارٹ لسٹ کر لیا جس میں پہلے دو نمبروں پر اپنی ہی جامعہ کے پروفیسرز کو منتخب کیا جو غیر قانونی طور پر بھرتی اور ترقی لیتے رہے۔ دستاویزات کے مطابق جامعہ رجسٹرار کے عہدے کے لئے شارٹ لسٹ کردہ امیدواروں میں سرفہرست اس کے انگریزی ڈیپارٹمنٹ کے اسسٹنٹ پروفیسر اعجاز اصغر ہیں جو مذکورہ عہدے کے لئے اہلیت کے معیار پر پورا نہیں اترتے کیوں کہ اشتہات کے مطابق اس عہدے کے لئے 17سالہ تجربہ درکار تھا اعجاز بھٹی کی بطور لیکچرار تقرری بھی غیر قانونی ہے جو اشتہار کے بغیر اس وقت کے وی سی ڈاکٹر ریاض الحق نے کی تاہم 2007میں وی سی ڈاکٹر اکرم چوہدری نے ایچ ای سی کی اہلیت کے برخلاف اعجاز بھٹی کو اسسٹنٹ پروفیسر بنادیا جبکہ موجودہ وی سی نے ان کو رجسٹرار بنانے کی سمری بھجوا رکھی ہے، کے ذریعہ بنائے گئے اخبارات میں اشتہار کے بغیر ہی تھی۔ دستیاب ریکارڈ سے یہ بھی معلوم ہوا ہے کہ اس سلسلے میں ، ایچ ای ڈی نےاعجاز بھٹی کی غیر قانونی تقرری کے معاملے سمیت 13 مئی 2019 کو لاہور ہائی کورٹ میں ایک تحقیقات کمیٹی کی رپورٹ پیش کی ہے جہاں رجسٹرار اس معاملے میں فریق ہے اور اعجاز بھٹی بھی اپیل میں چلے گئے ہیں۔ ایسی صورتحال میں اگر اعجاز بھٹی کو رجسٹرار کے عہدے پر مقرر کیا جاتا ہے تومتعلقہ معاملات ، متعلقہ قوانین اور میرٹ کے معاملے میں عدالتی کارروائی کا مذاق بن جائے گا۔
ڈاکٹر اشتیاق کی طرف سے بھیجی گئی سمری کے مطابق دوسرا نام پروفیسر ڈاکٹر مسعود سرور ، چیئرمین برائے اقتصادیات کا ہے عہدے پر درج کیا ہے۔ غیر قانونی طور پر ترقی پانے والے پروفیسر پر2014 اور 2018 آڈٹ اعتراض لگ چکا ہے۔واضح رہے کہ جامعہ سرگودھا میں کی جانے والی غیر قانونی بھرتیوں کا کیس لاہور ہائی کورٹ میں زیر سماعت ہے جبکہ چیف منسٹر انسپیکشن ٹیم بھی جامعہ میں ہونے والی کرپشن و غیرقانونی بھرتیوں کی تحقیقات کر رہی ہے۔
