کراچی (سی این پی)پاکستانی فلم اور شوبز انڈسٹری کی معروف اداکارہ نیلم منیر نے سوشل میڈیا پرایک پوسٹ شیئر کی جس میں انہوں نے بتایا کہ وہ خیبر پختونخوا کے نئے تعلیمی نظام سے بے حد متاثر ہوئی ہیں۔اداکارہ نے اپنے انسٹاگرام اکاؤنٹ پر اپنے آبائی صوبے خیبر پختونخوا میں ایک تصویر اور ویڈیو شیئر کی جس میں دیکھا جا سکتا ہے کہ نیلم منیر روایتی لباس میں ملبوس ہیں اور انہوں نے سفید رنگ کی چادر بھی اوڑھ رکھی ہے۔نیلم منیر نے خیبرپختونخواہ کے تعلیمی نظام کی تعریف کی۔اداکارہ نے لکھا کہ پشاور میں مجھے گھر جیسا محسوس ہوتا ہے، میں خیبر پختونخوا کے نئے تعلیمی نطام سے بے حد متاثر ہوئی ہوں۔انہوں نے مزید لکھا کہ ’یہ دیکھ کر مجھے بہت اچھا محسوس ہورہا ہے کہ یہاں کہ بچے مفت میں بہترین تعلیم حاصل کر رہے ہیں جب کہ ان اسکول کے اساتذہ بھی خیبر پختونخوا کو بہتر طور پر تبدیل کرنے کے لیے پُرعزم ہیں۔
