سیالکوٹ(سی این پی) وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ ملک میں یکساں نظام تعلیم رائج کرنا حکومت کی اولین ترجیح ہے،تعلیم ہی انسان کو اس کی اصل پہچان دیتی ہے،پاکستان میں بہت سے منصوبے سیاست کی نذر ہو جاتے ہیں۔ان خیالات کا اظہار انھوں نے گورنمنٹ ویمن ڈگری کالج مراکیوال میں تقریب سے خطاب کے دوران کیا۔ معاون خصوصی نے کہا کہ پاکستان میں خواندگی کی شرح دوسرے ممالک کی نسبت بہت کم ہے،ادارے عوام کے ہوتے ہیں اور ان کی محافظ بھی عوام ہوتی ہے،پاکستان کی بیٹیاں مضبوط پاکستان کی بنیاد ڈالیں گی،تمام پاکستانی بیٹیاں کشمیری بیٹیوں کے شانہ بشانہ کھڑی ہیں،آج ہمیں کشمیر کی ان بیٹیوں سے اظہار یکجہتی کرنا ہے جو بدترین کرفیو کی وجہ سے سکول نہیں جا رہیں، بہت جلد کشمیر کی آزادی کا سورج طلوع ہوگا۔ ڈاکٹر فردوس عاشق اعوان کا کہنا تھا کہ میری کوشش ہے کہ وزیر اعظم اور وزیر اعلی پنجاب کے ساتھ مل کر ایسا لائحہ عمل تیارکیا جائے جس سے دیہات کے لوگوں کی بنیادی ضروریات کو پورا کیا جاسکے۔انھوں نے کہا کہ وزیر اعظم پاکستان کا اس وقت دو چیزوں پرفوکس ہے،رائٹ جاب فاررائٹ پرسن اور دوسر ملک سے کرپشن کا مکمل خاتمہ ، تمام نوکریاں میرٹ پر دی جا رہی ہیں۔تقریب کے آخر میں معاون خصوصی نے گورنمنٹ ویمن ڈگری کالج مراکیوال میں بھرتی ہونے والی نئی اساتذہ میں تقرری کے آرڈر تقسیم کیے۔اس موقع پر سیاسی و سماجی رہنمائوں سمیت طالبات اور ان کے والدین کی بڑی تعداد تقریب میں موجود تھی۔
پاکستان اور جاپان تجارت اور سرمایہ کاری کو فروغ دیں، وزیراعظم
توشہ خانہ گاڑیوں کا کیس، صدر آصف زرداری کیخلاف کارروائی روک دی گئی
مہنگائی میں پسے عوام کو بجلی کا جھٹکا لگانے کی تیاری
ملک بھر میں مزید بارشوں کی پیش گوئی
9 مئی کو کرنے والے اور کروانے والوں کو آئین کے مطابق سزا دینا پڑے گی،ڈی جی آئی ایس پی آر
سعودی وفد نے پاکستان کی مہمان نوازی کا کھلے دل سے اعتراف کیا، وزیراعظم
جو جج مداخلت دیکھ کر کچھ نہیں کر سکتا وہ گھر بیٹھ جائے، چیف جسٹس
ملک خیرات سے نہیں ٹیکس سے چلتے ہیں، وزیر خزانہ
وزیرداخلہ کا اووربلنگ اوربجلی چوری روکنے کیلئےکریک ڈاؤن تیز کرنے کاحکم
توشہ خانہ ریفرنس،نوازشریف کی جانب سے بریت کی درخواست دائر