اسلام آباد(سی این پی)وزیر قانون فروغ نسیم نے سابق اٹارنی جنرل انور منصور سے متعلق دیے گئے بیان پر معافی مانگ لی۔نجی ٹی وی سے گفتگو کرتے ہوئے فروغ نسیم نے کہا کہ انور منصور خان سے متعلق اپنے الفاظ پر معافی مانگتا ہوں، انور منصور بڑے بھائی ہیں، ان سے متعلق اپنے الفاظ واپس لیتا ہوں۔وزیر قانون نے مزید کہا کہ اٹارنی جنرل خالد جاوید کی تعیناتی پر اعتراض کیا اور نہ استعفی دے رہا ہوں۔خیال رہے کہ گزشتہ دنوں سپریم کورٹ کے فل بینچ نے جسٹس قاضی فائز عیسی کے خلاف صدارتی ریفرنس کی سماعت کے دوران اٹارنی جنرل آف پاکستان انور منصور خان کو سپریم کورٹ کے ججز پر لگائے گئے الزام کا تحریری ثبوت دینے یا معافی مانگنے کا حکم دیا تھا۔جس کے بعد حکومت کے مطالبے پر اٹارنی جنرل انور منصور خان نے اپنے عہدے سے استعفی دے دیا تھا اور ان کی جگہ خالد جاوید خان کو اٹارنی جنرل آف پاکستان تعینات کیا گیا ہے۔اس حوالے سے وزیر قانون فروغ نسیم کا کہنا تھا کہ انور منصور خان نے سپریم کورٹ میں جو بیان دیا وہ کسی کے علم میں نہیں تھا اور اس میں حکومت کی منشا شامل نہیں تھی۔فروغ نسیم نے کہا کہ وزیر اعظم، صدر مملکت، شہزاد اکبر اور میری طرف سے سپریم کورٹ میں بیان جمع کرایا گیا جس میں ہم نے انور منصور خان کی جانب سے لگائے گئے الزامات سے لا تعلقی کا اظہار کیا۔
دہشتگردوں کے ٹھکانے تباہ، 6 شدت پسند ہلاک
فیصل کریم کنڈی نے بطورگورنرخیبرپختونخوا حلف اٹھالیا
پنجاب بیورو کریسی میں اکھاڑ پچھاڑ
پی آئی اے کے حج آپریشن کا آغاز 9 مئی سے ہوگا
ٹیکس ریٹرن فائنل نہ کرنے والوں کی سم بلاک کرنے کی تجویز مسترد
وزیر اعلیٰ پنجاب مریم نواز کا صوبے میں مفت ادویات کی فراہمی کا اعلان
احتجاجی تریک میں شرکت کا فیصلہ مجلس شوریٰ کریگی، امیر جماعت اسلامی کا اپوزیشن کو جواب
پوری قوم کو ایف بی آر کے محنتی اور قابل افسران پر فخر ہے، وزیراعظم
سردار سلیم پنجاب، فیضل کریم کنڈی خیبرپختونخوا اور خان مندوخیل گورنر بلوچستان تعینات
ڈبلیو ایچ او کی ریجنل ڈائریکٹر کی وزیر اعلیٰ پنجاب مریم نواز سے ملاقات