اسلام آباد(سی این پی)وزیر خارجہ شاہ محمود قریشی اور ازبکستان وزیر خارجہ نے دونوں ممالک میں تجارت کا حجم بڑھانے پراتفاق کرلیا ، شاہ محمود قریشی نے کہا باہمی سیاسی مشاورت کا افتتاحی دور اسلام آباد میں جلد منعقد ہوگا۔تفصیلات کے مطابق وزیر خارجہ شاہ محمود قریشی نے ازبکستان کے ہم منصب سے فون پر رابطہ کیا ، جس میں باہمی تعلقات، علاقائی صورتحال اورباہمی دلچسپی کے امورپرتبادلہ خیال کیا گیا۔وزیر خارجہ شاہ محمود قریشی نے کہا کہ پاکستان اورازبکستان کے درمیان گہرے برادرانہ مراسم ہیں، دو طرفہ تعلقات مزید مستحکم بنانے کیلئے پر عزم ہیں۔شاہ محمود نے کورونا وبا کے دوران پاکستانی کمیونٹی کا خیال رکھنے پر شکریہ ادا کرتے ہوئے کہا باہمی سیاسی مشاورت کا افتتاحی دور اسلام آباد میں جلد منعقد ہوگا۔دونوں وزرائے خارجہ نے پاکستان اور ازبکستان میں تجارت کا حجم بڑھانے پراتفاق کیا، وزیر خارجہ شاہ محمود قریشی نے دورہ پاکستان کی دعوت کو دہرایا، جس پر ازبک وزیر خارجہ نے وبائی صورتحال میں بہتری کے بعد دورے پر آمادگی ظاہر کردی۔
