اسلام آباد(سی این پی)پاکستان سائیکلنگ فیڈریشن کے زیر اہتمام قومی سائیکلنگ روڈ ریس چیمپئن شپ جمعرات سے کراچی میں شروع ہوگی۔ پاکستان سائیکلنگ فیڈریشن صدر سید اظہر علی شاہ نے بتایاکہ چیمپئن شپ کی تیاریاں زور و شور پر ہیں ۔انہوں نے کہا کہ چیمپئن شپ میں سوئی سدرن گیس کمپنی، پی او ایف واہ، بائیکستان کراچی، پنجاب، سندھ، بلوچستان، خیبرپختونخوا اور اسلام آباد کے مرد اور خواتین کی ایلیٹ اور جونیئرٹیمیں حصہ لیں گی۔چیمپئن شپ میں چار کیٹیگریز کے مقابلے رکھے گئے ہیں جن میں انفرادی ٹائم ٹرائل، ٹیم ایونٹ، سکریچ ریس اور پوائنٹ ریس کے مقابلے شامل ہیں۔ یہ چیمپئن شپ بین الاقوامی قوانین کے مطابق کھیلی جائے گی۔چیمپئن شپ کے انفرادی ایونٹ کے ٹائٹل کا دفاع بائیکستان کے علی الیاس جبکہ ٹیم ایونٹ کے ٹائٹل کا دفاع سوئی سدرن گیس کمپنی کے کھلاڑی کریں گے۔ چیمپئن شپ میں شرکت کرنے والی ٹیموں کے منیجرز میٹنگ بدھ کوہوگی۔چیمپئن شپ کی اختتامی تقریب 15 نومبر کو ہوگی جس کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔ واضع رہے کہ قومی سائیکلنگ روڈ ریس چیمپئن شپ کے دوران پاکستان سائیکلنگ فیڈریشن کی جنرل کونسل کا اجلاس زیر صدارت سید اظہر علی شاہ ہوگا جس میں سیکرٹری جنرل نثاراحمد گذشتہ برس کی کارگردگی پر رپورٹ پیش کریں گے اور پاکستان سائیکلنگ فیڈریشن کے آئین میں تبدیلی فیڈریشن کے لیگل ایڈوائزر کی سفارشات پر کی جائے گی اور اس کے علاوہ اجلاس میں آئندہ کی سرگرمیوں کا لائحہ عمل بھی تیار کیا جائے گا۔
پولیس پتہ کرے کہ کراچی سے چوری گاڑیاں اور موبائل فون جاتے کہاں ہیں؟ صدر مملکت
مزدوروں کے عالمی دن کے موقع پر نیشنل پریس کلب میں بڑا اجتماع
مزدوروں کی محنت سے دنیا بھر میں معیشت چلتی ہے، بلاول بھٹو
ہم فلسطینیوں کے ساتھ قدم کے ساتھ قدم ملا کر کھڑے ہیں، مولانا فضل الرحمان
آج واقعی بندہ مزدور کے اوقات بہت سخت اور زندگی غریب آدمی پر بہت تنگ ہے، وزیر اعظم
میاں افتخار حسین اے این پی خیبرپختونخوا کے صدر، حسین شاہ جنرل سیکرٹری منتخب
اسحاق ڈار او آئی سی سربراہ اجلاس میں پاکستانی وفد کی قیادت کرینگے
عالمی یوم مزدو، صدر ، وزیراعظم کا مزدوروں کو خراج تحسین
امریکا نے دہشتگردی کیخلاف پاکستانی اقدامات کی تعریف کردی
نیشنل ڈیفینس یونورسٹی میں پاک برطانیہ علاقائی استحکام کانفرنس کا انعقاد