اسلام آباد(سی این پی)طلبا کو بغیر امتحانات پروموٹ کر نے سے متعلق فیصلہ نہ ہوسکا، اجلاس جمعہ تک ملتوی کر دیا گیا۔وزیر تعلیم شفقت محمود کی زیر صدارت وزارت تعلیم میں اہم اجلاس ہوا جس میں تمام بورڈز کے چیئرمینوں نے بذریعہ ویڈیو لنک اجلاس میں شرکت کی، 29 تعلیمی بورڈز سے مشاورت کے بعد حتمی فیصلہ کیا جائیگا۔ وزارت تعلیم نے بورڈز سے سفارشات طلب کرلیں، بورڈز نے سفارشات دینے کیلئے وقت مانگ لیا۔شفقت محمود نے تصدیق کرتے ہوئے کہا جمعہ تک تمام سفارشات کو مکمل کر کے لائحہ عمل کا اعلان کیا جائیگا، تمام بورڈ امتحانات کینسل ہیں، کوئی ابہام نہیں ہے، امپروومنٹ اور پرائیوٹ طلبہ سے متعلق فیصلہ جمعہ تک کیا جائے گا۔
